ടൊവിനോ തോമസിനെ കേന്ദ്ര കഥാപാത്രമാക്കി നവാഗതനായ ഡാർവിൻ കുര്യാകോസ് സംവിധാനം ചെയ്യുന്ന ചിത്രത്തിലേയ്ക്ക് അഭിനേതാക്കളെ തേടുന്നു. ‘അന്വേഷിപ്പിൻ കണ്ടെത്തും’ എന്ന് പേരിട്ടിരിക്കുന്ന ചിത്രത്തിൻ്റെ ഷൂട്ടിങ്ങ് ഡിസംബറിൽ ആരംഭിക്കാനിരിക്കുകയാണ് അഭിനേതാക്കളെ തേടുന്നത്.
പ്രതികൾ-കൂട്ടുപ്രതികൾ, സാക്ഷികൾ, മേലുദ്യോഗസ്ഥൾ, സംശയാസ്പദ മുഖങ്ങൾ, കാമുകന്മാർ, മഹിളകൾ, കുട്ടികൾ തുടങ്ങി ഇരുപതിനും അമ്പത്തി അഞ്ചിനും ഇടയിൽ പ്രായമുള്ളവർക്കുള്ളതാണ് അവസരം. ചായപ്പീടിക ചർച്ചകളിൽ അഭിനേതാക്കളാകാൻ പ്രായപരിധിയില്ലെന്നും ചിത്രത്തിൻ്റെ കാസ്റ്റീങ്ങ് പോസ്റ്ററുകളിൽ വ്യക്തമാക്കിയിട്ടുണ്ട്.
ഇൻവെസ്റ്റിഗേഷൻ ത്രില്ലർ വിഭാഗത്തിൽ പെടുന്ന ചിത്രത്തിൽ എസ് ഐ അനന്ത് നാരായണൻ എന്ന കഥാപാത്രമായാണ് ടൊവിനോ എത്തുന്നത്. പൃഥ്വിരാജ് കേന്ദ്ര കഥാപാത്രമാകുന്ന കാപ്പയ്ക്ക് ശേഷം തിയേറ്റർ ഓഫ് ഡ്രീംസ് നിർമ്മിക്കുന്ന ചിത്രമാണ് ‘അന്വേഷിപ്പിൻ കണ്ടെത്തും’.
ജിനു വി എബ്രഹാം ആണ് ചിത്രത്തിൻറെ തിരക്കഥ ഒരുക്കുന്നത്. സന്തോഷ് നാരായണനാണ് സംഗീതം. ഛായാഗ്രഹണം ഗിരീഷ് ഗംഗാധരൻ. ശബരിയാണ് ചിത്രത്തിൻറെ പിആർഒ. ഷൈജു ശ്രീധരനാണ് എഡിറ്റർ.