എച്ചിപ്പാറ ട്രൈബല്‍ സ്‌കൂളിലെ രഞ്ജു എന്ന വിദ്യാര്‍ത്ഥിനിക്ക് ഇനി ടിവി കണ്ടു പഠിക്കാം. ഓണ്‍ലൈന്‍ ക്ലാസില്‍ പങ്കെടുക്കാനായി രഞ്ജുവിന്റെ വീട്ടില്‍ സ്മാര്‍ട്ട് ടിവി നേരിട്ടെത്തിച്ച് നടന്‍ ടോവിനോ തോമസ്. അതിജീവനം എം.പീസ്സ് എഡ്യുകെയര്‍ എന്ന പദ്ധതിയിലേക്ക് പത്ത് ടിവികളാണ് ടൊവിനോ സംഭാവന ചെയ്യുന്നത്.
നടി മഞ്ജു വാര്യര്‍ 5 ടിവി നല്‍കും. ഇരിങ്ങാലക്കുടയിലെ പ്രവാസി നിസാര്‍ അഷ്റഫ് 10 ടിവിക്കുള്ള ചെക്ക് ചടങ്ങില്‍ കൈമാറി. ബിജു മേനോന്‍, സംയുക്താ വര്‍മ എന്നിവരും പദ്ധതിയുടെ ഭാഗമാകും. ടാബ്ലറ്റ് വാങ്ങി നല്‍കാനായിരുന്നു പദ്ധതിയെങ്കിലും സ്‌കൂള്‍ തുറന്നാലും പൂര്‍ണമായി ഉപയോഗപ്പെടുത്താന്‍ കഴിയുക സ്മാര്‍ട് ടിവി ആയതിനാലാണ് അതു തിരഞ്ഞെടുത്തതെന്ന് ടി.എന്‍. പ്രതാപന്‍ എംപി വ്യക്തമാക്കി.