സൗബിന് ഷാഹിറിനെ പ്രധാന കഥാപാത്രമാക്കി സിദ്ധാര്ഥ് ഭരതന് ഒരുക്കുന്ന ‘ജിന്നിന്റെ’ ട്രെയിലര് എത്തി. ഏറെ ആകാംക്ഷ ജനിപ്പിക്കുന്ന ട്രെയിലറില് സൗബിന്റെ പ്രകടനം തന്നെയാണ് പ്രധാന ആകര്ഷണം. ശാന്തി ബാലചന്ദ്രന് നായികയായി എത്തുന്നു.
ഷറഫുദ്ദീന്, ഷൈന് ടോം ചാക്കോ, സാബുമോന് എന്നിവരാണ് മറ്റ് താരങ്ങള്. സംഗീതം പ്രശാന്ത് പിള്ള. ‘കലി’ എന്ന ചിത്രത്തിനു ശേഷം രാജേഷ് ഗോപിനാഥന് തിരക്കഥ എഴുതുന്ന സിനിമയാണ് ‘ജിന്ന്’.
ഗിരീഷ് ഗംഗാധരന് ആണ് ഛായാഗ്രഹണം. ആര്ട്ട് ഗോകുല്ദാസ്-അഖില്കാജ്. കോസ്റ്റ്യൂംസ് മാഷര് ഹംസ.