ടൊവിനോ തോമസും കല്യാണി പ്രിയദര്ശനും പ്രധാനവേഷങ്ങളിലെത്തുന്ന തല്ലുമാല എന്ന ചിത്രത്തിന്റെ റിലീസ് തിയതി പ്രഖ്യാപിച്ചു. ആഗസ്റ്റ് 12 ന് ചിത്രം തിയ്യേറ്ററുകളില് എത്തും. ഖാലിദ് റഹ്മാന് സംവിധാനം ചെയ്യുന്ന ചിത്രത്തിന് തിരക്കഥയൊരുക്കുന്നത് മുഹ്സിന് പരാരിയും അഷറഫ് ഹംസയും ചേര്ന്നാണ്.
ആഷിഖ് ഉസ്മാന് പ്രൊഡക്ഷന്സിന്റെ ബാനറില്, ആഷിഖ് ഉസ്മാനാണ് ചിത്രം നിര്മ്മിക്കുന്നത്. ഷൈന് ടോം ചാക്കോ, ജോണി ആന്റണി, ബിനു പപ്പു, ലുക്ക്മാന് അവറാന് തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്.
ദുബായിലും തലശ്ശേരിയിലും കണ്ണൂരിലെ പരിസരങ്ങളിലുമായിരുന്നു സിനിമയയുടെ പ്രധാന രംഗങ്ങളുടെ ചിത്രീകരണം നടന്നത്. ജിംഷി ഖാലിദ് ആണ് ഛായാഗ്രാഹകന്. സംഗീതം വിഷ്ണു ബിജോയ്.
