തമിഴ് സിനിമാ-സീരിയല് താരം വിജയലക്ഷ്മി അന്തരിച്ചു. 70 വയസായിരുന്നു. വൃക്ക രോഗത്തെ തുടര്ന്ന് ചെന്നൈയിലെ ആശുപത്രിയിലായിരുന്നു അന്ത്യം. വൃക്കരോഗത്തിന് ചികിത്സയിലിരിക്കെ വിജയലക്ഷ്മിക്ക് വീണുപരിക്കേറ്റിരുന്നതായി ബന്ധുക്കള് അറിയിച്ചു.
നാടകങ്ങളിലൂടെ അഭിനയരംഗത്തെത്തിയ വിജയലക്ഷ്മി പത്തോളം സിനിമകളില് ചെറുവേഷങ്ങളില് അഭിനയിച്ചിട്ടുണ്ട്. എന്നാല് പിന്നീട് ടെലിവിഷന് സീരിയലുകളിലേക്ക് ശ്രദ്ധ കേന്ദ്രീകരിക്കുകയായിരുന്നു.
വലിയ ജനപ്രീതി നേടിയ ‘ഭാരതിക്കണ്ണമ്മ’ എന്ന പരമ്പരയില് നായികയുടെ മുത്തശ്ശിയുടെ കഥാപാത്രമാണ് വിജയലക്ഷ്മിയെ ശ്രദ്ധേയാക്കിയത്. ശരവണന് മീനാക്ഷി, മുത്തഴക്, ഈറമാന റോജാവേ എന്നിവയടക്കം അമ്പതോളം പരമ്പരകളില് അഭിനയിച്ചിട്ടുണ്ട്.