ആനന്ദം ഫെയിം വിശാഖ് നായരെ കേന്ദ്ര കഥാപാത്രമാക്കി നവാഗതനായ ഷഹീൻ സംവിധാനം ചെയ്യുന്ന ആക്ഷൻ സർവൈവൽ ചിത്രം ‘എക്സ്റ്റി’ന്റെ ക്യാരക്ടർ പോസ്റ്റർ റിലീസ് ചെയ്ത് അണിയറപ്രവർത്തകർ.
വിശാഖിന്റെ മേക്കോവർ തന്നെയാണ് പോസ്റ്ററിനെ വേറിട്ടു നിർത്തുന്നത്. ചങ്ങലയിൽ പൂട്ടിയിട്ട മനുഷ്യന്റെ വിചിത്രമായ ഒരു രൂപത്തിലാണ് പോസ്റ്ററിൽ വിശാഖ് പ്രത്യക്ഷപ്പെട്ടിരിക്കുന്നത്.
സംഭാഷണമില്ലാതെ, അനിമൽ ഫ്ളോയിൽ സഞ്ചരിക്കുന്ന കഥാപാത്രവുമായി എത്തുന്ന മലയാളത്തിലെ ആദ്യ ആക്ഷൻ സർവൈവൽ ചിത്രമാണെന്നതും ഒരു പ്രത്യേകതയും എക്സ്റ്റിനുണ്ട്. ഒരു പരീക്ഷണ ചിത്രം കൂടിയാണ് എക്സിറ്റ്.
മലയാളത്തിന് പുറമെ തമിഴിലും ചിത്രം റിലീസ് ചെയ്യുന്നുണ്ട്. നവാഗതനായ അനീഷ് ജനാർദ്ദനനാണ് ചിത്രത്തിന് വേണ്ടി തിരക്കഥയൊരുക്കുന്നത്. ബംഗ്ലാവിൽ ഒരു രാതി അകപ്പെട്ടുപോവുന്ന ചെറുപ്പക്കാരുടെ കഥയാണ് ചിത്രത്തിന്റെ പ്രമേയം.
ദേശീയ അവാർഡ് ജേതാവ് കൂടിയായ തമിഴ് നടൻ ശ്രീറാം, വൈശാഖ് വിജയൻ, ആഷ്ലിൻ ജോസഫ്, പുതുമുഖം ശ്രേയസ്, ഹരീഷ് പേരടി, റെനീഷ റഹ്മാൻ എന്നിവരാണ് ചിത്രത്തിലെ മറ്റ് താരങ്ങൾ. ബ്ലൂം ഇന്റർനാഷണലിൻ്റെ ബാനറിൽ വേണുഗോപാലകൃഷ്ണൻ ആണ് ചിത്രം നിർമ്മിക്കുന്നത്.