ഈ വര്ഷം പുറത്തിറങ്ങിയ മലയാള ചിത്രങ്ങളില് ഹിറ്റ്് ആയ സിനിമകളില് ഒന്നാണ് ‘ഗരുഡന്’. സുരേഷ് ഗോപിയും ബിജു മേനോനും പ്രധാന വേഷത്തില് എത്തിയ ചിത്രത്തിന്റെ ഫൈനല് കളക്ഷന് റിപ്പോര്ട്ട് പുറത്തുവിട്ടിരിക്കുകയാണ് ട്രേഡ് അനലിസ്റ്റുകള്. ഗരുഡന് ആകെ നേടിയത് 26.5 കോടി രൂപയാണ് എന്ന് ഫ്രൈഡേ മാറ്റ്നി റിപ്പോര്ട്ട് ചെയ്തിരിക്കുന്നത്.
കേരളത്തില് നിന്ന് ഗരുഡന് 16.25 കോടി രൂപയും ഇന്ത്യയിലെ മറ്റ് പ്രദേശങ്ങളില് നിന്ന് 1.25 കോടിയും വിദേശത്ത് നിന്ന് ഒമ്പത് കോടിയുമാണ് ആകെ നേടിയിരിക്കുന്നത്. ഗരുഡന് ഒരു ക്രൈം ത്രില്ലര് ചിത്രമായിട്ടായിരുന്നു പ്രദര്ശനത്തിന് എത്തിയത്. അരുണ് വര്മയാണ് സംവിധാനം.
ഡിസിപി ഹരീഷ് മാധവ് ഐപിഎസ് ആയാണ് സുരേഷ് ഗോപി ചിത്രത്തില് വേഷമിട്ടത്. നിഷാന്ത് കുമാര് എന്ന കഥാപത്രത്തെയാണ് ബിജു മേനോന് അവതരിപ്പിച്ചത്. മിഥുന് മാനുവേല് തോമസ് തിരക്കഥയെഴുതിയ ഗരുഡന് ലിസ്റ്റിന് സ്റ്റീഫനാണ് നിര്മിച്ചത്.
സമീപകാലത്ത് മലയാളത്തിലുള്ള മികച്ച ത്രില്ലര് സിനിമ എന്നാണ് ഗരുഡന് കണ്ടവര് അഭിപ്രായപ്പെട്ടത്. സുരേഷ് ഗോപിയുടെയും ബിജു മേനോന്റെയും ചിത്രത്തിലെ പ്രകടനത്തെയും പ്രേക്ഷകര് പ്രശംസിച്ചിരുന്നു. മൗത്ത് പബ്ലിസിറ്റിയിലൂടെയാണ് ചിത്രം ശ്രദ്ധിക്കപ്പെട്ടത്.
അഭിരാമി, സിദിഖ്, ജഗദീഷ്, ദിലീഷ് പോത്തന്, തലൈവാസല് വിജയ്, ദിവ്യ പിള്ള, മേജര് രവി, ജയിംസ് ജോസ്, നിഷാന്ത് സാഗര്, രഞ്ജിത്ത് കാല്പ്പോള്, സാദ്ധിഖ് എന്നിവരും ചിത്രത്തില് പ്രധാന കഥാപാത്രങ്ങളായി. ഛായാഗ്രാഹണം അജയ് ഡേവിഡ് കാച്ചപ്പിളളിയാണ്. ജേക്സ് ബിജോയ് ആണ് സംഗീതം ഒരുക്കിയത്.