നടി ഗൗരി കിഷന് ജന്മദിനാശംസകള് നേര്ന്ന് സണ്ണി വെയ്നും “അനുഗ്രഹീതന് ആന്റണി” സിനിമ ടീമും. ഷൂട്ടിംഗിനിടെ ഒപ്പിയെടുത്ത മനോഹര നിമിഷങ്ങള് കോര്ത്തിണക്കിയ വീഡിയോയാണ് പിറന്നാള് സമ്മാനമായി സണ്ണി പങ്കുവെച്ചിരിക്കുന്നത്. പിന്നാലെ “താങ്ക് യൂ സോ മച്ച് സണ്ണിച്ചാ” എന്ന മറുപടിയും ഗൗരി നല്കിയിട്ടുണ്ട്.
ഗൗരി നായികയായി മലയാളത്തില് അരങ്ങേറ്റം കുറിക്കുന്ന ചിത്രമാണ് അനുഗ്രഹീതന് ആന്റണി. നവാഗതനായ പ്രിന്സ് ജോയ് ആണ് ചിത്രം സംവിധാനം ചെയ്യുന്നത്. ലക്ഷ്യ എന്റര്ടെയിന്മെന്റ്സിന്റെ ബാനറില് എം. ഷിജിത്ത് ആണ് നിര്മ്മാണം.
https://www.instagram.com/p/CD-i-CHhhGr/
സിദ്ധിഖ്, ഇന്ദ്രന്സ്, സൂരജ് വെഞ്ഞാറമൂട്, ബൈജു സന്തോഷ്, ഷൈന് ടോം ചാക്കോ, മാല പാര്വതി, മുത്തുമണി, മണികണ്ഠന് ആചാരി, ജാഫര് ഇടുക്കി തുടങ്ങിയവരും ചിത്രത്തില് വേഷമിടുന്നു. ജിഷ്ണു എസ് രമേശിന്റേയും അശ്വിന് പ്രകാശിന്റെയും കഥയ്ക്ക് തിരക്കഥ ഒരുക്കിയിക്കുന്നത് നവീന് ടി. മണിലാല് ആണ്.
“96” തമിഴ് സിനിമയിലൂടെ ശ്രദ്ധേയായ താരമാണ് ഗൗരി. തൃഷയുടെ കുട്ടിക്കാലം അവതരിപ്പിച്ച ഗൗരി ഏറെ പ്രേക്ഷകപ്രീതി നേടിയിരുന്നു. വിജയ് ചിത്രം “മാസ്റ്റര്”ആണ് ഗൗരിയുടെതായി റിലീസിന് ഒരുങ്ങുന്നത്. വിക്രം “കര്ണന്” ആണ് താരത്തിന്റെതായി അണിയറയില് ഒരുങ്ങുന്നത്.