ഫ്രൈഡേ ഫിലിം ഹൗസ് എക്സ്പിരിമെന്റ്സ് നിര്മ്മിക്കുന്ന പുതിയ ചിത്രം സുല്ലിന്റെ ട്രെയിലര് യൂട്യൂബില് മികച്ച പ്രതികരണം നേടി മുന്നേറുകയാണ്. ട്രെന്ഡിംഗില് 36 ാം സ്ഥാനത്ത് ഇടം പിടിച്ചിരിക്കുന്ന വീഡിയോയ്ക്ക് മികച്ച അഭിപ്രായമാണ് പ്രേക്ഷകരില് നിന്ന് ലഭിക്കുന്നത്. ബ്രില്ല്യന്റ് കണ്സെപ്റ്റ് ആണെന്നും പുതുമ മണക്കുന്നു, ചിത്രത്തിനായി വെയ്റ്റിംഗ് എന്നൊക്കെയാണ് കമന്റുകള്. 5.3 കെ ലൈക്കുകളും ട്രെയിലറിന് ലഭിച്ചിട്ടുണ്ട്. അതേസമയം, ഭീതിയുടെയും ആശങ്കയുടെയും മുള്മുനയില് പ്രേക്ഷകനെ എത്തിക്കുന്നതാണ് ട്രെയിലര്.
ത്രില്ലര് പശ്ചാത്തലത്തിലൊരുങ്ങുന്ന ചിത്രം സംവിധാനം ചെയ്യുന്നത് നവാഗതനായ വിഷ്ണു ഭരദ്വാജാണ്. ചിത്രത്തില് പ്രധാന കഥാപാത്രമായി എത്തുന്നത് മാസ്റ്റര് വാസുദേവാണ്. ഫ്രൈഡേ ഫിലിംസ് അവതരിപ്പിക്കുന്ന പന്ത്രണ്ടാമത്തെ പുതുമുഖ സംവിധായകനാണ് വിഷ്ണു യു സര്ട്ടിഫിക്കറ്റാണ് സിനിമയ്ക്ക് ലഭിച്ചിരിക്കുന്നത്.
ഒരു സൂപ്പര്താരചിത്രത്തിന്റെ രണ്ടു സീനുകള് ചിത്രീകരിക്കാന് വരുന്ന ചെലവിനെക്കാള് കുറഞ്ഞ ചെലവിലാണ് സുല്ലിന്റെ നിര്മ്മാണം എന്നത് എടുത്തുപറയേണ്ട വസ്തുതയാണ്.
പുതുമുഖങ്ങള്ക്ക് കൂടുതല് അവസരം നല്കുക എന്ന ലക്ഷ്യത്തോടെ വിജയ് ബാബു ആരംഭിച്ച ഫ്രൈഡേ ഫിലിം ഹൗസ് എക്സ്പിരിമെന്റസിന്റെ ആദ്യ ചിത്രം ജനമൈത്രിയായിരുന്നു.