റിലീസ് തിയതി പ്രഖ്യാപിച്ച് ജയസൂര്യയുടെ “സൂഫിയും സുജാതയും” സിനിമ. ആമസോണ് പ്രൈമില് ജൂലൈ 2-ന് ചിത്രം റിലീസ് ചെയ്യും. തിയേറ്റര് പ്രദര്ശനത്തിനില്ലാതെ നേരിട്ട് ഒടിടി പ്ലാറ്റ്ഫോമില് റിലീസ് ചെയ്യുന്ന ആദ്യ മലയാള സിനിമയാണ് സൂഫിയും സുജാതയും. ഇത് വിവാദങ്ങളും സൃഷ്ടിച്ചിരുന്നു.
ഒടിടി റിലീസ് തിയേറ്റര് വ്യവസായത്തെ ബാധിക്കുമെന്നും ജയസൂര്യയുടെയും നിര്മ്മാതാവ് വിജയ്ബാബുവിന്റെയും ചിത്രങ്ങള് ഇനിമുതല് തിയേറ്ററില് റിലീസ് ചെയ്യാന് അനുവദിക്കില്ലെന്നും പ്രഖ്യാപിച്ച് ഒരു വിഭാഗം തിയേറ്റര് ഉടമകള് രംഗത്തെത്തിയിരുന്നു. എല്ലാ പ്രതിസന്ധികളെയും മറി കടന്നാണ് ചിത്രം റിലീസിനെത്തുന്നത്.
ഫ്രൈഡേ ഫിലിം ഹൗസിന്റെ ബാനറില് വിജയ് ബാബു നിര്മ്മിക്കുന്ന ചിത്രം നരണിപ്പുഴ ഷാനവാസ് ആണ് സംവിധാനം ചെയ്യുന്നത്. അദിഥി റാവുവാണ് നായിക. ഫ്രൈഡേ ഫിലിം ഹൗസിന്റെ പന്ത്രണ്ടാമത്തെ ചിത്രമാണിത്. അനു മൂത്തേടത്ത് ഛായാഗ്രഹണവും എം.ജയചന്ദ്രന് സംഗീത സംവിധാനം നിര്വഹിക്കുന്നു.