ഫെമിനിസത്തെ ട്രോളി കൊണ്ടുള്ള ചിത്രം സോഷ്യല്‍ മീഡിയയില്‍ ചര്‍ച്ചയായതോടെ പോസ്റ്റ് ഡിലീറ്റ് ചെയ്ത് നടി സുബി സുരേഷ്. നെറ്റിയില്‍ വട്ട പൊട്ടും, വലിയ കണ്ണടയും, കറുത്ത കുര്‍ത്തയും, ഷാളുമിട്ട് നില്‍ക്കുന്ന ചിത്രമാണ് ഫെമിനിസ്റ്റ് എന്ന അടിക്കുറിപ്പോടെ സുബി ഫെയ്‌സ്ബുക്കില്‍ പങ്കുവെച്ചത്.
ചിത്രത്തിന് നേരെ വിമര്‍ശന കമന്റുകള്‍ എത്തിയതോടെ താരം പോസ്റ്റ് ഡിലീറ്റ് ചെയ്യുകയായിരുന്നു. പോസ്റ്റിന് താഴെ വന്ന കമന്റുകളോട് “ആ” എന്നാണ് മറുപടിയായി സുബി പ്രതികരിച്ചത്. ഇതിനെ വിമര്‍ശിച്ചു കൊണ്ടുള്ള കുറിപ്പും ഡിലീറ്റ് ചെയ്ത പോസ്റ്റിന്റെ സ്‌ക്രീന്‍ ഷോട്ടുമാണ് സോഷ്യല്‍ മീഡിയയില്‍ പ്രചരിക്കുന്നത്.
“”എത്ര കാലം നിങ്ങളീ പൊതു ബോധത്തെ തൃപ്തിപ്പെടുത്തി മുന്നോട്ട് പോകും… 2.2 മില്യണ്‍ ഫോളോവേഴ്സുള്ള സെലിബ്രിറ്റി പ്രൊഫൈലില്‍ വന്ന പോസ്റ്റാണ്. “എന്താണ് ഉദ്യേശിച്ചത്…”എന്ന കമന്റിന് “ആ..” എന്നാണ് റിപ്ലേ കൊടുത്തിരിക്കുന്നത്. ഇതിന് വന്ന കമന്റുകള്‍ അതി മനോഹരമാണ്. ഫെമിനിസത്തെ ട്രോളിയത് കൊണ്ട് ആഹ്ലാദപ്രകടനമാണവിടെ നടക്കുന്നത്.””
“”അതിലൊരു കമന്റ് ഇങ്ങനാണ്… “പാര്‍വതി തിരുവോത്ത് പോലെയാണോ, വേണ്ട അങ്ങനെയാവണ്ട അല്ലാത്ത സുബിയെ ആണിഷ്ടം” ഇവര്‍ക്കൊക്കെയിനി എന്ന് നേരം വെളുക്കുമാവോ”” എന്ന ഒരു പ്രേക്ഷകന്റെ കുറിപ്പാണ് ചര്‍ച്ചയാകുന്നത്.
ആദ്യത്തെ പോസ്റ്റ് നീക്കം ചെയ്ത ശേഷം “”ഞാന്‍ പോപ്പുലാരിറ്റിയെ കുറിച്ച് ചിന്തിക്കാറില്ല. മറിച്ച് റിയാലിറ്റിയിലാണ് ജീവിക്കുന്നതെന്ന്”” എന്ന ക്യാപ്ഷനോടെ മറ്റൊരു ചിത്രം കൂടി സുബി പങ്കുവച്ചിട്ടുണ്ട്. എന്തിനാണ് ഫെമിനിസ്റ്റ് എന്ന പോസ്റ്റ് ഡിലീറ്റ് ചെയ്തത് എന്ന കമന്റുകളോട് “”വിവാദത്തിന് താത്പര്യമില്ല ഉണ്ണ്യേ”” എന്ന മറുപടിയും സുബി കൊടുക്കുന്നുണ്ട്.