അട്ടപ്പാടിയിലെ ആദിവാസികളുടെ ജീവിതം ഇതിവൃത്തമാക്കി സിനിമ ഒരുങ്ങുന്നു. “501 ഡെയ്‌സ്” എന്ന് പേരിട്ടിരിക്കുന്ന ചിത്രത്തില്‍ ശ്രീനിവാസനാണ് നായകന്‍. ചിത്രത്തിന്റെ ഷൂട്ടിംഗ് അട്ടപ്പാടിയില്‍ തുടങ്ങി.
റബേക്ക ഫിലിം ഹൗസിന്റെ ബാനറില്‍ അവിര റബേക്കയാണ് ചിത്രം നിര്‍മ്മിച്ച് സംവിധാനം ചെയ്യുന്നത്. ചിത്രത്തില്‍ മരുത് എന്ന ആദിവാസി ഊരു മൂപ്പനായിട്ടാണ് ശ്രീനിവാസന്‍ വേഷമിടുന്നത്. മൂപ്പന്മാരുടെ മൂപ്പനാണ് ചിത്രത്തില്‍ മരുത്.
ആദിവാസി ഭൂമിയുടെ അന്യാധീനപ്പെടലും ചൂഷണങ്ങളും സമരങ്ങളുമാണ് ചിത്രത്തിന് വിഷയമാകുന്നത്. സംവിധായകന്‍ കോഴിക്കോട് ഹരിദാസും ചിത്രത്തില്‍ ഒരു പ്രധാന വേം ചെയ്യുന്നുണ്ട്. അട്ടപ്പാടി നിവാസികളും ചിത്രത്തിലഭിനയിക്കുന്നുണ്ട്. പ്രഭില്‍ കുമാറാണ് ചിത്രത്തിന്റെ ഛായാഗ്രാഹണം നിര്‍വ്വഹിക്കുന്നത്.