ശ്രീനിവാസനും മകന് ധ്യാനും ആദ്യമായി വെള്ളിത്തിരയില് ഒന്നിക്കുന്ന ചിത്രം കുട്ടിമാമയുടെ ട്രെയിലര് പുറത്തിറങ്ങി. നടന് പൃഥ്വിരാജ് തന്റെ ഒഫീഷ്യല് ഫെയ്സ്ബുക്ക് പേജിലൂടെയാണ് ട്രെയിലര് പുറത്തുവിട്ടത്. ഗോകുലം ഗോപാലന് നിര്മിക്കുന്ന ചിത്രം സംവിധാനം ചെയ്യുന്നത് പ്രശസ്ത സംവിധായകന് വി എം വിനുവാണ്. ഒരു പിടി മികച്ച എന്റെര്റ്റൈനെറുകള് മലയാളത്തിന് സമ്മാനിച്ച വി എം വിനു എന്നും നല്ല സിനിമകളോട് കൂടെയുള്ള ഗോകുലം മൂവിസുമൊത്തു ഒന്നിക്കുമ്പോള് പ്രതീക്ഷകള് ഏറെയാണ്.
മീര വാസുദേവും, ദുര്ഗ്ഗ കൃഷ്ണയുമാണ് ചിത്രത്തിലെ നായികമാര്. തന്മാത്ര എന്ന ബ്ലെസ്സി ചിത്രത്തിലൂടെ പ്രേക്ഷകരുടെ പ്രിയങ്കരിയായ മീര വാസുദേവിന്റെ ഇടവേളക്ക് ശേഷമുള്ള തിരിച്ചു വരവ് കൂടിയാകും ഈ ചിത്രം. ഒരു ഫാമിലി എന്റെര്ടെയ്നറായാണ് ചിത്രം ഒരുങ്ങുന്നത്. ഒരു വലിയ താരനിര ചിത്രത്തില് അണി നിരക്കുന്നുണ്ട്. വിശാഖ്, നിര്മ്മല് പാലാഴി, മഞ്ജു പത്രോസ്, പ്രേംകുമാര്, കലിംഗ ശശി, വിനോദ്, കക്ക രവി, കലാഭവന് റഹ്മാന്, സയന, സന്തോഷ് കീഴാറ്റൂര് എന്നിവരാണ് മറ്റു വേഷങ്ങളില് എത്തുന്നത്.
https://www.facebook.com/PrithvirajSukumaran/videos/2315244478747561/
മനാഫ് തിരക്കഥയെഴുതിയ ചിത്രത്തിന് വിഎം വിനുവിന്റെ മകന് വരുണാണ് ചായാഗ്രഹണം നിര്വ്വഹിക്കുന്നത്. സംഗീത സംവിധായകന് രാജാമണിയുടെ മകന് അച്ചു രാജാമണിയാണ് ചിത്രത്തിന്റെ സംഗീതവും പശ്ചാത്തല സംഗീതവും നിര്വ്വഹിക്കുന്നത്. എഡിറ്റിംഗ് ഷമീര് മുഹമ്മദും നിര്വഹിക്കുന്നു. സെന്ട്രല് പിക്ചര്സ് മെയ് രണ്ടാം വാരത്തോടെ ചിത്രം പ്രദര്ശനത്തിനെത്തിക്കും.