അല്ലു അര്ജുന് ചിത്രം ‘പുഷ്പ 2’വില് ഐറ്റം സോംഗില് തെലുങ്ക് നടി ശ്രീലീല എത്തുമെന്ന് റിപ്പോര്ട്ടുകള്. ‘പുഷ്പ: ദ റൈസ്’ എന്ന ഭാഗത്തിലെ പ്രധാന ആകര്ഷണമായിരുന്നു സാമന്തയുടെ ‘ഊ അണ്ടവാ’ എന്ന ഐറ്റം സോംഗ്. ആദ്യ ഭാഗം സാമന്ത കൊണ്ടുപോയെങ്കില് രണ്ടാം ഭാഗത്തില് മറ്റൊരു സൂപ്പര് നായിക എത്തുമെന്ന റിപ്പോര്ട്ടുകള് നേരത്തെ പുറത്തു വന്നിരുന്നു.
പല നടിമാരുടെയും പേരുകള് പ്രചരിക്കുകയും ചെയ്തിരുന്നു. ഇതിനിടെയാണ് ശ്രീലീല ഐറ്റം നമ്പറില് തിളങ്ങാന് എത്തുമെന്ന റിപ്പോര്ട്ടുകള് പുറത്തു വന്നിരിക്കുന്നത്. ‘ഗുണ്ടൂര് കാരം’ എന്ന ചിത്രത്തിലെ കുര്ച്ചി മടത്തപ്പെട്ടി എന്ന ഗാനത്തിലൂടെ പ്രേക്ഷശ്രദ്ധ നേടിയ നടിയാണ് ശ്രീലീല.
അതേസമയം, അല്ലു അര്ജുന് ദേശീയ അവാര്ഡ് നേടിക്കൊടുത്ത ചിത്രമാണ് പുഷ്പ 2. 2021ല് പുറത്തിറങ്ങി പാന് ഇന്ത്യന് തലത്തില് വിജയം നേടിയ അല്ലു അര്ജുന് ചിത്രം പുഷ്പയുടെ രണ്ടാം ഭാഗമായാണ് പുഷ്പ 2 ദ റൂള് എത്തുന്നത്. പുഷ്പയിലെ മാസ് ഡയലോഗുകളും ഗാനങ്ങളും ഇന്ത്യയില് ഉടനീളമുള്ള സിനിമാപ്രേമികള് ആഘോഷമാക്കിയിരുന്നു.
ഫഹദ് ഫാസിലും ചിത്രത്തില് പ്രധാന കഥാപാത്രത്തെ അവതരിപ്പിക്കുന്നുണ്ട്. ഭന്വര് സിംഗ് ഷെഖാവത്ത് എന്ന പൊലീസ് കഥാപാത്രമായാണ് ഫഹദ് ചിത്രത്തില് വേഷമിടുന്നത്. അല്ലു അര്ജുന് മികച്ച നടനുള്ള ദേശീയ പുരസ്കാരം നേടി കൊടുത്ത പുഷ്പരാജ് എന്ന കഥപാത്രത്തിന്റെ രണ്ടാംവരവ് സിനിമാലോകം ഏറെ പ്രതീക്ഷയോടെ കാണുന്നത്.