കഴിഞ്ഞ ദിവസം ഷൈന് ടോം ചാക്കോ പങ്കുവച്ച ചിത്രമാണ് സോഷ്യല് മീഡിയയില് ഇപ്പോള് ഹോട്ട് ടോപിക്. ഇന്സ്റ്റഗ്രാമിലും ഫെയ്സ്ബുക്കിലും യാതൊരു ക്യാപ്ഷനുമില്ലാതെ പങ്കുവച്ച ചിത്രത്തില് കൂടെ ആരാണുള്ളത് എന്നാണ് സോഷ്യല് മീഡിയയുടെ ചോദ്യം.
കപ്പിള് ഫോട്ടോ എന്ന് തോന്നിപ്പിക്കും തരത്തിലുള്ളതാണ് ചിത്രം. വെളുത്ത നിറത്തിലുള്ള ടീഷര്ട്ട് ധരിച്ച് മുടി അഴിച്ചിട്ട് സണ് ഗ്ലാസും ധരിച്ച് ഷൈനിന്റെ നെഞ്ചോട് ചേര്ന്ന് നില്ക്കുന്ന യുവതിയെ ഫോട്ടോയില് കാണാം. ബ്ലാക് ടീ ഷര്ട്ടും സണ്ഗ്ലാസുമാണ് ഷൈനിന്റെ വേഷം.
ഈ ഫോട്ടോ പുറത്തുവന്നതിന് പിന്നാലെ ചോദ്യങ്ങളുമായി ആരാധകരും എത്തി. ‘യാര് ഇന്ത ദേവതൈ സാര്, അങ്ങനെ കൃഷ്ണന് കുട്ടിക്കും പെണ്ണ് കിട്ടി അല്ലേ, യാര് ഇവള് യാര്, ഒരു ബ്ലാക് ആന്ഡ് വൈറ്റ് പ്രണയം, രണ്ടാളും ഒരേ പൊളി, നിങ്ങള് തമ്മില് ലവ് ആണോ’ എന്നിങ്ങനെ പോകുന്നു കമന്റുകള്.
എന്നാല് ആരാധകരുടെ ചോദ്യങ്ങള്ക്ക് മറുപടി നല്കാന് ഷൈന് ഇതുവരെ തയ്യാറായിട്ടില്ല. താരം ഒന്നും പ്രതികരിച്ചിട്ടില്ല. അതേസമയം, ‘അയ്യര് കണ്ട ദുബായ്’, ‘ആറാം തിരുകല്പ്പന’, ‘ദേവര’, ‘പാരഡൈസ് സര്ക്കസ്’ എന്നീ ചിത്രങ്ങളാണ് താരത്തിന്റെതായി ഒരുങ്ങുന്നത്.