ശിവകാര്ത്തികേയന് നായകനാകുന്ന ‘അയലാന്’ ചിത്രത്തിന്റെ ടീസര് ശ്രദ്ധ നേടുന്നു. അന്യഗ്രജീവി ഭൂമിയിലേക്ക് എത്തുന്നത് പ്രമേയമാക്കിയാണ് ഈ സയന്സ് ഫിക്ഷന് മൂവി ഒരുക്കിയിട്ടുള്ളത്. ഏലിയന് എത്തുന്ന രകസകരമായ ടീസര് സോഷ്യല് മീഡിയയില് ശ്രദ്ധ നേടുകയാണ്.
2015ല് പുറത്തിറങ്ങിയ ‘ഇന്ട്ര് നേട്ര് നാളൈ’ എന്ന ചിത്രത്തിലൂടെ ശ്രദ്ധേയനായ സംവിധായകന് ആര്. രവികുമാര് ആണ് ‘അയലാന്’ ഒരുക്കുന്നത്. രാകുല് പ്രീത് സിങ് ആണ് നായിക. ശരത് കേല്കര് ആണ് വില്ലന്. യോഗി ബാബു, ഭാനുപ്രിയ, കരുണാകരന് എന്നിവരാണ് മറ്റ് താരങ്ങള്.
എ.ആര് റഹ്മാന് ആണ് സംഗീതം. അന്പറിവ് ആണ് സംഘട്ടനസംവിധാനം. നീരവ് ഷാ ഛായാഗ്രഹണവും റൂബന് എഡിറ്റിംഗും നിര്വഹിക്കുന്നു. വിവേക്, മദന് കര്ക്കി എന്നിവരാണ് ഗാനരചന. 24 എ.എം സ്റ്റുഡിയോസിന്റെ ബാനറില് ആര്.ഡി. രാജയാണ് അയലാന് നിര്മിക്കുന്നത്. ചിത്രം 2024 പൊങ്കല് റിലീസായി തിയേറ്ററുകളിലെത്തും.
അതേസമയം, ‘എസ്കെ 21’ എന്ന് താല്ക്കാലികമായി പേരിട്ട ചിത്രത്തിന്റെ തിരക്കിലാണ് ഇപ്പോള് ശിവകാര്ത്തികേയന്. സായ് പല്ലവി നായികയാകുന്ന ചിത്രത്തിന്റെ സംവിധാനം രാജ്കുമാര് പെരിയസ്വാമിയാണ്. കമല്ഹാസന്റെ രാജ് കമലാണ് ശിവകാര്ത്തികേയന് ചിത്രം നിര്മിക്കുന്നത്.