ചിമ്പുവിനെ കേന്ദ്ര കഥാപാത്രമാക്കി വെങ്കട് പ്രഭു സംവിധാനം ചെയ്ത ചിത്രമാണ് ‘മാനാട്’. സയന്സ് ഫിക്ഷന് വിഭാഗത്തിലുള്ള ഈ സിനിമയ്ക്ക് രണ്ടാം ഭാഗം ഒരുങ്ങുന്നു എന്ന റിപ്പോര്ട്ടുകളാണ് ഇപ്പോള് പുറത്തുവരുന്നത്.
സിനിമയുടെ അണിയറ പ്രവര്ത്തകര് തന്നെയാണ് ഇത്തരമൊരു സീക്വലിനെക്കുറിച്ചുള്ള സൂചനകള് നല്കിയത്.നവംബര് 24ന് സിനിമയുടെ റിലീസിന്റെ ഒന്നാം വാര്ഷികമായിരുന്നു. സിനിമയുടെ ഓര്മ്മ പങ്കുവെച്ചുകൊണ്ട് അണിയറ പ്രവര്ത്തകര് ഒരു വീഡിയോ പങ്കുവെച്ചിരുന്നു. ഈ വീഡിയോയുടെ അവസാനമാണ് രണ്ടാം ഭാഗത്തെക്കുറിച്ചുള്ള സൂചന ടീം പങ്കുവെച്ചത്.
117 കോടിയ്ക്ക് മുകളിലായിരുന്നു മാനാട് ബോക്സോഫീസില് നിന്ന് നേടിയെടുത്തത്. ചിമ്പുവിന്റെ സിനിമകളില് വെച്ച് ഇതേറ്റവും ഉയര്ന്ന തുകയാണ്. അബ്ദുല് ഖാലിക്ക് എന്ന വ്യക്തി ഒരു ടൈം ലൂപ്പില് അകപ്പെടുന്നതും തുടര്ന്നുണ്ടാകുന്ന സംഭവ വികാസങ്ങളുമായിരുന്നു സിനിമയുടെ പ്രമേയം.
എസ് ജെ സൂര്യ ആയിരുന്നു സിനിമയിലെ വില്ലന് കഥാപാത്രത്തെ അവതരിപ്പിച്ചത്. കല്യാണി പ്രിയദര്ശനായിരുന്നു മാനാടിലെ നായിക. എസ് എ ചന്ദ്രശേഖര്, കരുണാകരന്, ഭാരതിരാജ, അരവിന്ദ് ആകാശ്, മനോജ് ഭാരതിരാജ, പ്രേംജി അമരന്, ഉദയ, ഡാനിയല് ആനി പോപ്പ്, രവികാന്ത് എന്നിവരും മറ്റ് പ്രധാന വേഷങ്ങളിലെത്തി. യുവന് ശങ്കര് രാജയാണ് സിനിമയുടെ സങ്കേതം നിര്വഹിച്ചത്.