ഇടക്കാലത്ത് സിനിമയില് നിന്ന് വിട്ടു നിന്ന ബൈജു ശക്തമായ തിരിച്ചു വരവിന്റെ പാതയിലാണ്. അടുത്തിടെ ഇറങ്ങുന്ന പ്രമുഖ ചിത്രങ്ങളിലെല്ലാം തന്നെ ബൈജുവിന്റെ സാന്നിധ്യമുണ്ട്. ഇവയില് മിക്കതും ഏറെ ശ്രദ്ധിക്കപ്പെടുന്നുമുണ്ട്. ലൂസിഫറിലെ റോള് ഇതില് എടുത്തു പറയേണ്ടതാണ്. കുറഞ്ഞ ഡയലോഗുകളില് പോലും കൈയടി വാങ്ങുന്ന നടന്. ഇപ്പോഴിതാ മമ്മൂട്ടി നായകനാകുന്ന അജയ് വാസുദേവ് ചിത്രം ഷൈലോക്കിലും ശ്രദ്ധേയമായ വേഷത്തില് ബൈജു എത്തി കൈയടി നേടിയിരിക്കുന്നു.
മുന്നൂറിലേറെ സിനിമയിലൂടെ മലയാളത്തില് തന്റേതായ സ്ഥാനം സ്വന്തമാക്കിയ പ്രിയതാരത്തെ മമ്മൂട്ടി ഫാന്സ് ആദരിച്ചു. ഖത്തറില് നടത്തിയ ഷൈലോക്ക് സിനിമയുടെ ഫാന്സ് ഷോയുടെ ഭാഗമായാണ് ബൈജുവിന് ആദരവ് നല്കിയത്. നിര്മ്മാതാവ് സന്തോഷ് ടി. കുരുവിള ബൈജുവിനെ പൊന്നാട അണിയിച്ചു. തന്റെ ജീവിത്തിലെ മറക്കാനാകാത്ത നിമിഷങ്ങള് സമ്മാനിച്ച മമ്മൂട്ടി ഫാന്സിന് നിറകണ്ണുകളോടെയാണ് ബൈജു നന്ദി പറഞ്ഞത്.
30 വര്ഷങ്ങള്ക്ക് മുമ്പ് മമ്മൂട്ടിയുടെ വലംകൈയായി ബൈജു എത്തിയപ്പോള് മലയാള സിനിമയ്ക്ക് ലഭിച്ചത് ഒരു മികച്ച ചിത്രമാണ്, കോട്ടയം കുഞ്ഞച്ചന്. 1990 ല് ഇറങ്ങിയ ചിത്രത്തില് മമ്മൂട്ടി അവതരിപ്പിച്ച കോട്ടയം കുഞ്ഞച്ചന് എന്ന ടൈറ്റില് കഥാപാത്രത്തിന്റെ സന്തത സഹചാരി ആയ ബോസ്കോ എന്ന കഥാപാത്രമായാണ് ബൈജു എത്തിയത്. ആ വര്ഷത്തെ മമ്മൂട്ടിയുടെ വിജയ ചിത്രങ്ങളില് ഒന്നായി കോട്ടയം കുഞ്ഞച്ചന്. മുപ്പത് വര്ഷങ്ങള്ക്കിപ്പുറം വീണ്ടും ആ കൂട്ടുകെട്ട് ഒന്നിച്ചപ്പോഴും ചരിത്രം ആവര്ത്തിച്ചിരിക്കുകയാണ്.