എഴുപതാം പിറന്നാള് ആഘോഷിക്കുകയാണ് ഉലകനായകന് കമല് ഹാസന്. ആരാധകരും സഹപ്രവര്ത്തകരുമടക്കം നിരവധി പേരാണ് താരത്തിന് അഭിനന്ദനങ്ങളുമായി രംഗത്തെത്തുന്നത്. മക്കളായ ശ്രുതി ഹാസന്റെയും അക്ഷര ഹാസന്റെയും സോഷ്യല് മീഡിയ പോസ്റ്റുകളാണ് ഇപ്പോള് ശ്രദ്ധ നേടുന്നത്. നിങ്ങളൊരു അമൂല്യ രത്നമാണ് എന്നാണ് ശ്രുതി പറയുന്നത്.
”അപ്പയ്ക്ക് പിറന്നാള് ആശംസകള്. നിങ്ങള് അപൂര്വമായൊരു രത്നമാണ്. എന്റെ ജീവിതത്തിലെ ഏറ്റവും ഇഷ്ടപ്പെട്ട കാര്യങ്ങളിലൊന്ന് നിങ്ങളോടൊപ്പം നടക്കുക എന്നതാണ്. നിങ്ങള് ദൈവത്തില് വിശ്വസിക്കുന്നില്ലെന്ന് എനിക്കറിയാം. പക്ഷേ ദൈവം തിരഞ്ഞെടുത്ത കുട്ടിയാണ് നിങ്ങള്.”
”നിങ്ങള് ചെയ്യുന്ന അതിശയകരമായ ഓരോ കാര്യങ്ങളും അവേശത്തോടെയാണ് ഞാന് കാണാറുള്ളത്. ഇനിയും ഒരുപാട് പിറന്നാളുകള് ആഘോഷിക്കാന് കഴിയട്ടെ. ജീവിതത്തില് ഇനിയും ഒരുപാട് സ്വപ്നങ്ങളുണ്ടാകട്ടെ. നിങ്ങളെ ഒരുപാട് സ്നേഹിക്കുന്നു അപ്പാ”എന്നാണ് ശ്രുതി ഇന്സ്റ്റഗ്രാമില് കുറിച്ചിരിക്കുന്നത്.
”സന്തോഷകരമായ പിറന്നാള് ആശംസകള് പ്രിയപ്പെട്ട ബാപ്പൂജി. റോക്ക്സ്റ്റാര് അച്ഛനായും സുഹൃത്തായും നില്ക്കുന്നതിന് നന്ദി. നിങ്ങളെപ്പോലൊരു ജെന്റില്മാനെ കിട്ടിയതില് എനിക്ക് സന്തോഷമുണ്ട്” എന്നാണ് അക്ഷര കുറിച്ചിരിക്കുന്നത്. നടി സരികയാണ് ശ്രുതിയുടെ അക്ഷരയുടെയും അമ്മ. 1988ല് വിവാഹിതരായ സരികയും കമല്ഹാസനും 2004ല് ആണ് വേര്പിരിഞ്ഞത്.