നടന് ഷൈന് ടോം ചാക്കോ ഇന്ന് ശസ്ത്രക്രിയക്ക് വിധേയനാകും. ഷൈനിന്റെ ഇടത് തോളിന് താഴെ മൂന്ന് പൊട്ടലുണ്ട്. നിലവില് ഷൈനും ഇടുപ്പെല്ലിന് പരിക്കേറ്റ അമ്മ മരിയ കാര്മലും തൃശൂരിലെ സ്വകാര്യ ആശുപത്രിയില് ചികിത്സയിലാണ്. അതേസമയം, അപകടത്തില് മരിച്ച ഷൈനിന്റെ പിതാവ് സി.പി ചാക്കോയുടെ (73) സംസ്കാരം ഇന്ന് രാവിലെ 10.30ന് മുണ്ടൂര് കര്മല മാതാ പള്ളിയില് നടക്കും.
സംസ്കാരച്ചടങ്ങുകള്ക്കായി ഷൈനിനെ ഇന്ന് രാവിലെ ആശുപത്രിയില് നിന്നും മുണ്ടൂരിലെത്തിക്കും. തുടര്ന്ന് മടങ്ങിയ ശേഷമായിരിക്കും ശസ്ത്രക്രിയ. ശസ്ത്രക്രിയയ്ക്കു ശേഷം മൂന്ന് ദിവസത്തിനുള്ളില് ആശുപത്രി വിടാമെങ്കിലും ആറാഴ്ചത്തെ വിശ്രമം വേണ്ടിവരും.
അമ്മ മരിയയെ ചാക്കോയുടെ വിയോഗവാര്ത്ത അറിയിച്ചിട്ടില്ല. സഹോദരിമാരായ സുമിയും റിയയും ന്യൂസീലന്ഡിന് നിന്ന് എത്തിയിട്ടുണ്ട്. കേന്ദ്ര സഹമന്ത്രിയും നടനുമായ സുരേഷ് ഗോപിയും സിനിമാ മേഖലയിലെ മറ്റ് സുഹൃത്തുക്കളും ഷൈനിനെ കാണാന് ആശുപത്രിയില് എത്തിയിരുന്നു.
അതേസമയം, ബെംഗളൂരുവിലേക്കുള്ള യാത്രക്കിടെ വെള്ളിയാഴ്ച രാവിലെ ആറോടെയാണ് ഷൈൻ ടോം ചാക്കോയും കുടുംബവും സഞ്ചരിച്ചിരുന്ന കാർ ധർമപുരിക്ക് സമീപം നല്ലംപള്ളിയിൽ അപകടത്തിൽപ്പെട്ടത്. ഷൈൻ ടോം ചാക്കോ, പിതാവ് ചാക്കോ, അമ്മ മരിയ, സഹോദരൻ ജോ ജോൺ, ഡ്രൈവർ അനീഷ് എന്നിവരാണ് വാഹനത്തിലുണ്ടായിരുന്നത്. ട്രാക്ക് മാറിയെത്തിയ ലോറിയിൽ കാർ ഇടിച്ചാണ് അപകടമുണ്ടായത്.