യുവതാരം ഷെയിന് നിഗമും സലാം ബാപ്പുവും ഒന്നിക്കുന്നു. ഷെയിന് നായകനായെത്തുന്ന അടുത്ത ചിത്രം സലാം ബാപ്പു സംവിധാനം ചെയ്യും. ചിത്രത്തിന്റെ രചന അഭിലാഷ് പിള്ളയാണ്. അഞ്ജലി എന്റര്ടെയിന്മെന്റ്സ് നിര്മിക്കുന്ന ചിത്രം ഒരു ഫീല് ഗുഡ് ചിത്രമാണെന്നാണ് റിപ്പോര്ട്ടുകള്. ദുബൈയിലും കേരളത്തിലുമായി ചിത്രീകരണം നടക്കുന്ന ചിത്രത്തിന്റെ മറ്റ് വിവരങ്ങളൊന്നും പുറത്ത് വിട്ടിട്ടില്ല.
“റെഡ് വൈന്”, “മംഗ്ലീഷ്” എന്നീ ഹിറ്റ് ചിത്രങ്ങള്ക്ക് ശേഷം സലാം ഒരുക്കുന്ന മറ്റൊരു ഹിറ്റ് ചിത്രം കൂടിയാകും ഇത്. “അച്ഛനുറങ്ങാത്ത വീട്”, “മുല്ല”, “കാഞ്ചീപുരത്തെ കല്യാണം”, “ഡയമണ്ട് നെക്ലേസ്”, “സ്പാനിഷ് മസാല” എന്നീ ചിത്രങ്ങളുടെ അസോസിയേറ്റ് സംവിധായകനായിരുന്നു സലാം.
അതേസമയം, ബോക്സോഫീസില് നേട്ടം കൊയ്ത “ഇഷ്കി”ന് ശേഷം “വലിയ പെരുന്നാള്” എന്ന ചിത്രത്തിന്റെ തിരക്കിലാണ് ഷെയിന്. നവാഗതനായ ഡിമല് ഡെന്നിസാണ് സംവിധായകന്. ജീവന് ജോജോ സംവിധാനം ചെയ്യുന്ന “ഉല്ലാസ”മാണ് താരത്തിന്റെ മറ്റൊരു ചിത്രം.