ഷെയ്ന് നിഗം വിഷയത്തില് പ്രശ്ന പരിഹാരത്തിനായി താരസംഘടന “അമ്മ”യും നിര്മാതാക്കളുടെ സംഘടനയും തമ്മില് തിങ്കളാഴ്ച കൊച്ചിയില് ചര്ച്ച നടത്തും. ചിത്രീകരണം പൂര്ത്തിയായ ഉല്ലാസം എന്ന സിനിമയുടെ ഡബ്ബിംഗ് പൂര്ത്തിയാക്കണമെന്ന ആവശ്യവും ഷെയ്ന് അനുസരിച്ചിരുന്നു. ഉല്ലാസത്തിന്റെ ഡബ്ബിംഗ് പൂര്ത്തിയായ സാഹചര്യത്തിലാണ് ഇപ്പോള് അമ്മയുടെ നേതൃത്വത്തില് ചര്ച്ച നടക്കുന്നത്.
നേരത്തേ ഉയര്ത്തിയ നിലപാടുകളില് നിര്മ്മാതാക്കള് ഉറച്ചു തന്നെ നില്ക്കുകയാണ്. ഷെയ്ന് മൂലമുണ്ടായ സാമ്പത്തികനഷ്ടം പരിഹരിക്കണമെന്ന ആവശ്യത്തില് ഉറച്ചു നില്ക്കുകയാണ് നിര്മ്മാതാക്കള്. അതേസമയം സിനിമയുമായി മുന്നോട്ടുപോകുന്നതിന് സാദ്ധ്യമായതെല്ലാം ചെയ്യുമെന്നും അവര് വ്യക്തമാക്കി.
ഷെയ്ന് മൂലം നിര്മ്മാണം തടസ്സപ്പെട്ട വെയില്, ഖുര്ബാനി എന്നീ ചിത്രങ്ങളുടെ ചിത്രീകരണം തുടരുന്നത് തിങ്കളാഴ്ച ചര്ച്ച ചെയ്യും.