രണ് ദീപ് ഹൂഡ നായകനായി വിനായക് ദാമോദര് സവര്ക്കറുടെ ജീവിതത്തെ ആസ്പദമാക്കി ബോളിവുഡില് ഒരുങ്ങുന്ന ചിത്രമാണ് സ്വതന്ത്ര വീര് സവര്ക്കര് . ഈ ചിത്രം മഹേഷ് മഞ്ജ്രേക്കറാണ് സംവിധാനം ചെയ്യുന്നത്. സവര്ക്കറുടെ 138-ാം ജന്മവാര്ഷിക ദിനത്തിലായിരുന്നു സിനിമയുടെ പ്രഖ്യാപനം. ചിത്രത്തിന്റെ ഫസ്റ്റ്ലുക്ക് റിലീസ് ചെയ്തില് പിന്നാലെ സോഷ്യല് മീഡിയയില് വലിയ വിമര്ശനമാണ് ഉയര്ന്നത്.
ഇപ്പോളിതാ ഇതിനെതിരെ പ്രതികരണവുമായി രംഗത്തെത്തിയിരിക്കുകയാണ് ചിത്രത്തിന്റെ നിര്മാതാവ് സന്ദീപ് സിങ്ങ്, ‘ദാവൂദ് ഇബ്രാഹിം, ഹര്ഷദ് മേത്ത, ലളിത് മോദി എന്നിവരെ കുറിച്ചുള്ള സിനിമകള് വരുമ്പോള് നമ്മള് എന്തുകൊണ്ട് ഒരു സ്വാതന്ത്ര്യ സമര സേനാനിയുടെ സിനിമ ആഘോഷിച്ചുകൂടാ, സവര്ക്കറുടെ യഥാര്ത്ഥ കഥയാണ് ചിത്രം പറയുന്നത്.
തന്റെ നാട്ടുകാരെ ഒന്നിപ്പിക്കാന് പ്രേരിപ്പിച്ച ഒരു മനുഷ്യനെ പറ്റി എല്ലാവരും അറിയണമെന്നും അത് പ്രചരിപ്പിക്കാനാണ് താന് ഈ സിനിമ എടുക്കുന്നതെന്നും സന്ദീപ് സിങ്ങ് പറഞ്ഞു. പിഎം മോദി അടക്കമുള്ള ഇത് പോലുള്ള സിനിമകള് താന് നിര്മ്മിച്ചിട്ടുണ്ടെന്നും സന്ദീപ് പറഞ്ഞു.
മഹേഷ് മഞ്ജ്രേക്കര്ക്കൊപ്പം റിഷി വിര്മാനിയും ചേര്ന്നാണ് ചിത്രത്തിനായി തിരക്കഥ ഒരുക്കുന്നത്. മഹാരാഷ്ട്രയിലെ വിവിധ സ്ഥലങ്ങള്, ലണ്ടന്, ആന്ഡമാന് ദ്വീപ് എന്നിവടങ്ങളിലാകും സിനിമ ചിത്രീകരിക്കുക.