തീയേറ്ററുകളില് 25 ദിവസം പിന്നിട്ട് ബിജുമേനോന് ചിത്രം സത്യം പറഞ്ഞാ വിശ്വസിക്കുവോ. പ്രണയവും കുടുംബവും കോര്ത്തിണക്കി പ്രജിത്ത് ഒരുക്കിയിരിക്കുന്ന സിനിമയ്ക്ക് മികച്ച പ്രതികരണമാണ് തീയേറ്ററുകളില് നിന്ന് ലഭിക്കുന്നത്. സംവൃത സുനിലാണ് നായിക. ഒരിടവേളയ്ക്കു ശേഷം സംവൃത മലയാളത്തിലേക്ക് തിരിച്ചെത്തുന്നുവെന്ന പ്രത്യേകത കൂടി സിനിമയ്ക്കുണ്ട്.
ബിജു മേനോന്റെ ഭാര്യയുടെ വേഷമാണ് സംവൃത അവതരിപ്പിക്കുന്നത്. അലന്സിയര്, സൈജു കുറുപ്പ്, സുധി കോപ്പ, സുധീഷ്, ശ്രീകാന്ത് മുരളി, വെട്ടുക്കിളി പ്രകാശ്, വിജയകുമാര്, ദിനേശ് പ്രഭാകര്, മുസ്തഫ, ബീറ്റോ, ശ്രീലക്ഷ്മി, ശ്രുതി ജയന് തുടങ്ങിയവരും ചിത്രത്തിലുണ്ട്.
തൊണ്ടിമുതലും ദൃക്സാക്ഷിയും എന്ന ചിത്രത്തിന് വേണ്ടി കഥയും തിരക്കഥയുമൊരുക്കിയ സജീവ് പാഴൂരാണ് ഈ ചിത്രത്തിന് വേണ്ടി തിരക്കഥയെഴുതിയിരിക്കുന്നത്. ഗ്രീന് ടിവി എന്റര്ടെയിനര്, ഉര്വ്വശി തിയേറ്റേഴ്സ് എന്നിവയുടെ ബാനറില് രമാദേവി, സന്ദീപ് സേനന്, അനീഷ് എം തോമസ് എന്നിവര് ചേര്ന്നാണ് ചിത്രം നിര്മ്മിക്കുന്നത്. ഛായാഗ്രഹണം ഷഹനാദ് ജലാല്.