തമിഴിലെ പ്രശസ്ത നടനും സംവിധായകനുമാണ് സമുദ്രക്കനി. ശശികുമാറിനെ നായകനാക്കി അദ്ദേഹം 2009ലിറക്കിയ സൂപ്പര്‍ ഹിറ്റ് ചിത്രം നാടോടികളുടെ രണ്ടാം ഭാഗം ഒരുങ്ങുന്നതായി റിപ്പോര്‍ട്ട്. ചിത്രത്തിന്റെ ടൈറ്റില്‍ പോസ്റ്റര്‍ പുറത്തു വിട്ടിട്ടുണ്ട്. ഇത്തവണ ചിത്രത്തില്‍ ഒരു പ്രധാന വേഷത്തെ അവതരിപ്പിക്കാനും സമുദ്രക്കനി തീരുമാനിച്ചിട്ടുണ്ട്. ചിത്രത്തില്‍ ശശികുമാര്‍ തന്നെയാണ് നായകവേഷത്തിലെത്തുക.
നാടോടികളുടെ ആദ്യഭാഗത്തിനു ശേഷം സമുദ്രകനിയും ശശികുമാറും ഒന്നിച്ച ചിത്രം 2011ല്‍ റിലീസ് ചെയ്ത പരോളി യായിരുന്നു എന്നാല്‍ ഈ സിനിമയ്ക്ക് നാടോടികളെ പോലെ മികച്ച വിജയം നേടാനായില്ല. ജീവിതഗന്ധിയായ ഒരു കഥയാണ് നാടോടി 2 വിനായി ഒരുക്കുന്നതെന്ന് ടൈംസ് ഓഫ് ഇന്ത്യയ്ക്കു നല്‍കിയ അഭിമുഖത്തില്‍ സമുദ്രക്കനി വ്യക്തമാക്കി.
അഞ്ജലിയും അതുല്യയുമാണ് നായികമാര്‍. നിലവില്‍ തിരക്കഥ തയ്യാറാക്കുന്ന തിരക്കിലാണെന്നും ആദ്യ ഭാഗത്തിലഭിനയിച്ച ഭരണിയും നമോ നാരായണയും ഈ ഭാഗത്തിലുമുണ്ടാകുമെന്നും അദ്ദേഹം പറഞ്ഞു. സംവിധാനത്തിനു പുറമേ നാടോടികള്‍ 2 നിര്‍മ്മിക്കുന്നതും സമുദ്രക്കനിയായിരിക്കുമെന്ന് റിപ്പോര്‍ട്ടുകളുണ്ട്. ചിത്രത്തിന്റെ ഷൂട്ടിങ് മാര്‍ച്ചില്‍ ആരംഭിക്കും.സംഗീത സംവിധാനം ചെയ്യുന്നത് ജസ്റ്റിന്‍ പ്രഭാകരനാണ് .
