തന്റെ ഹോളിവുഡ് ചിത്രം വെള്ളിത്തിരയില് കാണാന് നില്ക്കാതെയാണ് കലിംഗ ശശി യാത്രയായത്. ആക്ഷന് സൂപ്പര്താരം ടോം ക്രൂസിനെ നായകനാക്കി സ്റ്റീവന് സ്പീല്ബെര്ഗ് നിര്മ്മിക്കുന്ന സിനിമയിലാണ് ശശി അഭിനയിച്ചത്. അതും ബൈബിള് കഥാപാത്രമായ യൂദാസിന്റെ വേഷത്തില്. 4 വര്ഷങ്ങള്ക്ക് മുുമ്പ് നടന് അജു വര്ഗീസാണ് കലിംഗ ശശി സ്റ്റീവന് സ്പീല്ബര്ഗ് സിനിമയില് ടോം ക്രൂസിനൊപ്പം അഭിനയിച്ചെന്ന കാര്യം സോഷ്യല് മീഡിയയിലൂടെ പുറത്തു വിട്ടത്. അപ്പോഴും അദ്ദേഹം മൗനം പാലിക്കുകയായിരുന്നു.
കമല് സംവിധാനം ചെയ്ത “ഗദ്ദാമ”യുടെ ചിത്രീകരണം ദുബായില് നടക്കുമ്പോഴാണ് കലിംഗ ശശിയെത്തേടി ഹോളിവുഡ്ഡിന്റെ വിളി വന്നത്. യൂദാസിനു ചേര്ന്ന മുഖം അന്വേഷിച്ചു നടക്കുകയായിരുന്ന സ്പീല്ബെര്ഗിനും സംഘത്തിനും ദുബായിലെ പ്രൊഡക്ഷന് കമ്പനിയാണ് ശശിയുടെ ചിത്രം അയച്ചത്.
2015ല് വിവിധ വിദേശരാജ്യങ്ങളില്വച്ച് ചിത്രീകരണം പൂര്ത്തിയാക്കി. താമസിച്ചിരുന്ന ഹോട്ടലില് നിന്ന് ദിവസവും ഹെലികോപ്ടര് വന്ന് ലൊക്കേഷനില് എത്തിക്കുകയായിരുന്നുവെന്നു ഒരിക്കല് കലിംഗ ശശി തന്നെ വെളിപ്പെടുത്തിയിരുന്നു. മലയാളത്തിലെ സൂപ്പര്താരങ്ങളേക്കാള് ഉയര്ന്ന പ്രതിഫലമാണ് ആ ഒറ്റച്ചിത്രത്തിലൂടെ ശശിയെത്തേടിയെത്തിയത്.