സോളാര്‍ വിവാദ നായിക സരിത നായര്‍ അഭിനയിച്ച “വയ്യാവേലി” എന്ന സിനിമ ഏറ്റെടുത്ത് ട്രോളന്‍മാര്‍. പൊലീസ് ഓഫീസറായാണ് സരിത സിനിമയില്‍ വേഷമിടുന്നത്. കേരള രാഷ്ട്രീയത്തെ അടുമുടി ഉലച്ച സരിതയുടെയും മറ്റ് അഭിനേതാക്കളുടെ മോശം പ്രകടനത്തെയാണ് ട്രോളന്‍മാര്‍ ലക്ഷ്യം വെച്ചിരിക്കുന്നത്.
നാല് വര്‍ഷം മുമ്പാണ് സരിത നായര്‍ പൊലീസ് വേഷത്തിലെത്തുന്ന സിനിമയെ കുറിച്ചുള്ള വാര്‍ത്തകള്‍ സോഷ്യല്‍ മീഡിയയില്‍ എത്തിയത്. ജൂലൈ 11-ന് ആണ് ഈ സിനിമ യൂട്യൂബില്‍ എത്തിയിരിക്കുന്നത്. കൊച്ചുപ്രേമന്‍, വിനോദ് കോവൂര്‍, ശിവാജി ഗുരുവായൂര്‍ എന്നിവരും ചിത്രത്തില്‍ അഭിനയിക്കുന്നുണ്ട്.
വി.വി. സന്തോഷ് എന്നയാളാണ് സിനിമ സംവിധാനം ചെയ്തത്. അശോക് നായര്‍ ആണ് തിരക്കഥയും നിര്‍മ്മാണവും. അഭിനയ കുലപതി എന്നിങ്ങനെ ഹാസ്യരൂപേണയുള്ള ട്രോളുകളാണ് പ്രചരിക്കുന്നത്. അന്ത്യകൂദാശ എന്ന ചിത്രത്തിലും സരിത മുമ്പ് അഭിനയിച്ചിരുന്നു.
2013-ല്‍ യുഡിഎഫ് സര്‍ക്കാരിന്റെ ഭരണകാലത്താണ് സോളാര്‍ തട്ടിപ്പ് കേസുമായി ബന്ധപ്പെട്ട് സരിത എസ് നായര്‍ വാര്‍ത്തകളില്‍ നിറഞ്ഞത്. സോളാര്‍ കേസ് വഴി നിരവധി രാഷ്ട്രീയ നേതാക്കളും സരിതയുമായി ബന്ധപ്പെട്ട് വിവാദങ്ങളില്‍ കുരുങ്ങിയിരുന്നു.