പ്രഥമ മദര് തെരേസ പുരസ്കാരം ഏറ്റുവാങ്ങിയ സീമ ജി. നായര് നേരെ പോയത് തനിക്കേറെ പ്രിയപ്പെട്ടവളായ ശരണ്യയുടെ വീട്ടിലേക്ക്്. നടി ശരണ്യയുടെ വിയോഗത്തിന്റെ 41-ാം ദിവസമായിരുന്നു ഈ അവാര്ഡ് ഗവര്ണറുടെ കൈയില് നിന്നും സീമ ഏറ്റുവാങ്ങിയത്. ശരണ്യയുടെ അമ്മയ്ക്ക് പുരസ്കാരം കൈമാറിയപ്പോള് ഇരുവരും വികാരഭരിതരായി.
ശരണ്യയുടെ 41-ാം ചരമദിനത്തിന്റെ അന്നേ ദിവസം തന്നെ തിരുവനന്തപുരത്ത് എത്താന് കഴിഞ്ഞത് നിമിത്തമാണ്. ഇതിനിടെയിലും പലരും വേദനിപ്പിക്കാന് ശ്രമിക്കുന്നുണ്ട്. കുറേ സംഭവങ്ങളൊക്കെ നടക്കുന്നുണ്ട്. ആരൊക്കെ എന്ത് പറഞ്ഞാലും വേദനിപ്പിച്ചാലും എന്റെ മോളെന്റെ കൂടെയുണ്ട്. മദര് തെരേസയുടെ പേരിലുള്ള അവാര്ഡ് വാങ്ങാന് ഞാന് ഇവിടുന്ന് പോകണം എന്നുള്ളത് അവളുടെ തീരുമാനമാണ്.’- സീമ പറയുന്നു.
ശരണ്യയുടെ ചിത്രത്തെ സാക്ഷിയാക്കിയാണ് അമ്മയ്ക്കായി പുരസ്കാരം കൈമാറിയത്.