ചാനല് പരിപാടിയില് നടത്തിയ മിമിക്രിയിലൂടെ തന്നെ അപമാനിച്ചെന്ന് ആരോപിച്ച് സുരാജ് വെഞ്ഞാറമൂടിനെതിരെ സന്തോഷ് പണ്ഡിറ്റ് നല്കിയ ഹര്ജി ഹൈക്കോടതി തള്ളി. സന്തോഷിന്റെ ഹര്ജി നിലനില്ക്കുന്നതല്ലെന്നും വ്യക്തിപരമായ അധിക്ഷേപമല്ലെന്നും വിലയിരുത്തിയാണ് കേസ് തള്ളിയത്.
സിംഗിള് ബെഞ്ചിന്റേതാണ് ഉത്തരവ്. മജിസ്ട്രേറ്റ് കോടതിയുടെ ഉത്തരവില് നിയമ വിരുദ്ധതയില്ലെന്ന് ഹൈക്കോടതി വ്യക്തമാക്കി. വിനോദ ചാനല് സംപ്രേഷണം ചെയ്ത മിമിക്രി മഹാമേള എന്ന പരിപാടിയിലൂടെ തന്നെ വ്യക്തി അധിക്ഷേപം നടത്തിയെന്നായിരുന്നു സന്തോഷ് പണ്ഡിറ്റ് നല്കിയ പരാതി.