മമ്മൂട്ടി ചിത്രം മധുരരാജ 100 കോടി ക്ലബില് കയറിയ വിവരം കഴിഞ്ഞ മാസം അവസാനമാണ് നിര്മ്മാതാവ് നെല്സണ് ഐപ്പ് അറിയിച്ചത്. റിലീസ് ചെയ്ത് 45 ദിവസം പിന്നിടുമ്പോഴാണ് 100 കോടി നേട്ടത്തില് മധുരരാജ എത്തി ചേര്ന്നത്. 100 കോടി നേട്ടത്തിലെത്തുന്ന ആദ്യ മമ്മൂട്ടി ചിത്രമായി ഇതോടെ മധുരരാജ. ഇപ്പോള് മധുരരാജയുമായി ബന്ധപ്പെട്ട തന്റെ പഴയൊരു പ്രവചനകഥ പങ്കുവെച്ച് എത്തിയിരിക്കുകയാണ് സന്തോഷ് പണ്ഡിറ്റ്. അന്നേ ഇത് താന് പ്രവചിച്ചിരുന്നെന്നും അന്ന് പലരും എന്നെ പൊങ്കാലയിട്ടെന്നും ഫെയ്സ്ബുക്കില് പങ്കുവെച്ച കുറിപ്പില് സന്തോഷ് പറഞ്ഞു.
“മക്കളേ… മമ്മൂക്കയുടെ “മധുരരാജ” സിനിമ ഇതു വരെ 100 കോടി രൂപ കളക്ഷന് ഉണ്ടാക്കി എന്നു അവരുടെ പരസ്യത്തില് പറയുന്നു. ഇപ്പോഴും പ്രമുഖ കേന്ദ്രങ്ങളില് വമ്പന് കളക്ഷനോടെ ഈ ചിത്രം പ്രദര്ശനം തുടരുന്നുണ്ടാവാം. ഈ സിനിമ ഇറങ്ങും മുമ്പേ ഇതൊരു 200 കോടി ക്ലബില് പുഷ്പം പോലെ കയറുമെന്ന് ഞാന് ചെറിയൊരു അഭിപ്രായം പറഞ്ഞപ്പോള് പലരും എന്നെ പൊങ്കാല ഇട്ടു. ഇപ്പോ എങ്ങിനുണ്ട്?” പണ്ഡിറ്റ് ഫെയ്സ്ബുക്കില് കുറിച്ചു.
കേരളത്തില് ഇരുന്നൂറ്റിഅന്പതില്പരം സ്ക്രീനുകളില് റിലീസ് ചെയ്ത മധുരരാജ ആകെ മൊത്തം എണ്ണൂറിനു മുകളില് സ്ക്രീനുകളില് ആയാണ് ലോകം മുഴുവന് എത്തിയത്. ഗള്ഫില് ലൂസിഫര്, പുലി മുരുകന്, ഒടിയന് എന്നീ മോഹന്ലാല് ചിത്രങ്ങള് കഴിഞ്ഞാല് ഒരു മലയാള ചിത്രത്തിന് ലഭിക്കുന്ന ഏറ്റവും വലിയ റിലീസും മധുരരാജക്ക് ലഭിച്ചിട്ടുണ്ട്. പുലിമുരുകന്റെ വന് വിജയത്തിന് ശേഷം വൈശാഖ്ഉദയകൃഷ്ണപീറ്റര് ഹെയ്ന് ടീം ഒന്നിച്ച ചിത്രമാണ് മധുരരാജ.