സഞ്ജീവ് ശിവന് സംവിധാനം ചെയ്യുന്ന ‘ഒഴുകി ഒഴുകി ഒഴുകി’ എന്ന ചിത്രം വരുന്നു. ദേശീയ അന്തര് ദ്ദേശീയ തലങ്ങളില് തിളങ്ങിയ സന്തോഷ് ശിവന് – സംഗീത് ശിവന് സഹോദരന്മാരിലെ ഇളയ സഹോദരനായ സഞ്ജീവ് ശിവന്.
ജലത്തില് ഒഴുകി നടക്കുന്ന ആയിരക്കണക്കിന് അജ്ഞാത മൃതദേഹങ്ങള്ക്ക് മുന്നിലാണ് ഈ ചിത്രം സമര്പ്പിക്കുന്നത്. പന്ത്രണ്ടു വയസ്സുള്ള ഒരാണ്കുട്ടിയുടെ അന്വേഷണത്തിലൂടെ യാണ് ഈ ചിത്രത്തിന്റെ അവതരണം. ഈ അന്വേഷണത്തിനിടയില് അവന് ഒരു കൊലപാതകത്തില് കുരുങ്ങുന്നതോടെ ഈ ചിത്രം സംഘര്ഷഭരിതമാകുന്നു.
ശിവന് കുടുംബത്തിലെ ഏറ്റവും പുതിയ തലമുറക്കാരനായ സിദ്ധാന്ഷു സഞ്ജീവ് ശിവനാണ് ഈ ചിത്രത്തിലെ കേന്ദ കഥാപാത്രമായ പന്ത്രണ്ടു വയസ്സുകാരനെ അവതരിപ്പിക്കുന്നത്. സൗബിന് ഷാഹിര്, നരേന്, നന്ദു, യദുകൃഷ്ണന്, കൊച്ചുപ്രേമന്, അഞ്ജനാ അപ്പുക്കുട്ടന്, എന്നിവരും പ്രധാന താരങ്ങളാണ്. ബി.ആര്. പ്രസാദിന്റേതാണ് തിരക്കഥ.
നിരവധി പുരസ്കാരങ്ങള്ക്ക് അര്ഹരായവരാണ് ഈ ചിത്രത്തിന്റെ സാങ്കേതിക പ്രവര്ത്തകരില് ഏറെയും. ഓസ്ക്കാര് അവാര്ഡു ജേതാവായ റസൂല് പൂക്കുട്ടിയാണ് ശബ്ദമിശ്രണം നടത്തുന്നത്. ബോളിവുഡ് സംഗീത സംവിധായകനായ തോമസ് കാന്റിലനാണ് ഈ ചിത്രത്തിന്റെ സംഗീത സംവിധായകന്. സംസ്ഥാന അവാര്ഡ് ജേതാവായ മനോജ് പിള്ളയാണ് ഛായാഗ്രാഹകന്. ശീകര് പ്രസാദാണ് എഡിറ്റര്. ദീപ്തി ശിവനാണ് നിര്മ്മിക്കുന്നത്. നിര്മ്മാണ പ്രവര്ത്തനങ്ങള് പൂര്ത്തിയായി വരുന്ന സിനിമ ഉടന് തന്നെ പ്രദര്ശനത്തിനെത്തുന്നു. പി ആര് ഒ വാഴൂര് ജോസ്.