‘ലിയോ’ സെറ്റില് സംവിധായകന് ലോകേഷ് കനകരാജിന്റെ പിറന്നാള് ആഘോഷമാക്കി അണിയറപ്രവര്ത്തകര്. കശ്മീരിലാണ് ചിത്രത്തിന്റെ ഷൂട്ടിംഗ് നടക്കുന്നത്. പിറന്നാള് ആഘോഷത്തിന്റെ ചിത്രങ്ങളാണ് സോഷ്യല് മീഡിയയില് ശ്രദ്ധ നേടുന്നത്.
വിജയ്, സഞ്ജയ് ദത്ത്, തൃഷ, തുടങ്ങിയ താരങ്ങളെല്ലാം ലോകേഷിനൊപ്പം കശ്മീരില് പിറന്നാള് ആഘോഷത്തില് പങ്കെടുത്തു. ലോകേഷിന് പിറന്നാള് ആശംസകള് നേര്ന്നുള്ള സഞ്ജയ് ദത്തിന്റെ കുറിപ്പാണ് ഇപ്പോള് സോഷ്യല് മീഡിയയില് ചര്ച്ചയാകുന്നത്.
ലോകേഷിന്റെ മകന് എന്നാണ് സഞ്ജയ് ദത്ത് വിശേഷിപ്പിച്ചിരിക്കുന്നത്. ലോകേഷിനെ ചേര്ത്തു പിടിച്ചുള്ള ഫോട്ടോ പങ്കുവച്ചാണ് സഞ്ജയ് ദത്തിന്റെ കുറിപ്പ്. ‘എന്റെ സഹോദരന്, മകന്, കുടുംബം എല്ലാമായ ലോകേഷ് കനകരാജിന് പിറന്നാള് ആശംസകള്’ എന്നാണ് കുറിപ്പില് പറയുന്നത്.
‘ദൈവം ലോകേഷിന് എല്ലാവിധ വിജയങ്ങളും സന്തോഷവും സമ്പത്തും നല്കട്ടേ. ജീവിതത്തില് എന്നും കൂടെയുണ്ടാകും’ എന്നാണ് സഞ്ജയ് ദത്ത് പറയുന്നത്. ചെന്നൈയില് ആദ്യ ഘട്ട ചിത്രീകരണം പൂര്ത്തിയാക്കിയ ശേഷമാണ് ലിയോ ടീം കശ്മീരിലേക്ക് യാത്ര തിരിച്ചത്.
കനത്ത മഞ്ഞിനിടയിലും അതീവ സുരക്ഷാ ക്രമീകരണങ്ങളോടയാണ് ചിത്രത്തിന്റെ ഷൂട്ടിംഗ് പുരോഗമിക്കുന്നത്. സിനിമയുടെ ലൊക്കേഷന് ചിത്രങ്ങള് അടക്കം പുറത്തുപോകാതിരിക്കാന് മൊബൈല് ഫോണുകള് അടക്കം ഒഴിവാക്കിയാണ് ചിത്രീകരണം നടത്തുന്നത്.