ജന്മദിനം ആഘോഷിക്കാന് കെനിയയിലേക്ക് സോളോ ട്രിപ്പ് നടത്തി സാനിയ ഇയ്യപ്പന്. കെനിയയിലെ ഗോത്രവര്ഗ്ഗവും സിംഹവേട്ടക്കാരുമായ മസായികള്ക്കൊപ്പം സാനിയ ആഘോഷിക്കുന്നതിന്റെ ചിത്രങ്ങള് സാനിയ തന്നെയാണ് സോഷ്യല് മീഡിയയില് പങ്കുവെച്ചത്.
‘എന്റെ ബെര്ത്ത് ഡേയ്ക്ക് കുറച്ച് വന്യമായി പോകണമെന്ന് ഞാന് ആഗ്രഹിച്ചു. അതുകൊണ്ട് ഞാന് എനിക്ക് കെനിയയിലേക്ക് ഒരു സോളോ ട്രിപ്പ് സമ്മാനിച്ചു. മസായി മരായിലെ ആളുകള്ക്കൊപ്പം ഇത് ഞാന് ആഘോഷിച്ചു. ഈ ജീവിതം കേക്കിനു മുകളിലെ ഐസിംഗ് പോലെ ആയിരുന്നു’ – സാനിയ കെനിയയില് നിന്നുള്ള ചിത്രങ്ങള്ക്കൊപ്പം കുറിച്ചു.
നിരവധി പേരാണ് സാനിയയ്ക്ക് ആശംസകള് നേര്ന്ന് കമന്റ് ബോക്സില് എത്തിയത്. ഇത് അടിപൊളിയെന്ന് നടി എസ്തര് അനില് കുറിച്ചു. നിരവധി ആരാധകര്ക്കൊപ്പം സിനിമാമേഖലയില് നിന്നുള്ള നിരവധി ആളുകളും കമന്റ് ബോക്സില് എത്തിയിട്ടുണ്ട്.
ക്വീന് എന്ന സിനിമയിലൂടെ അഭിനയലോകത്തേക്ക് എത്തിയ സാനിയ പിന്നീട് നിരവധി സിനിമകളുടെ ഭാഗമായി മാറിയിരുന്നു.