നടന് തര്ഷാനുമായുള്ള ബന്ധം അവസാനിപ്പിക്കുന്നുവെന്ന് നടി സനം ഷെട്ടി. തര്ഷാനുമായി പ്രണയത്തിലാണെന്ന് സനം ഷെട്ടി ഒരു അഭിമുഖത്തില് വെളിപ്പെടുത്തിയിരുന്നു. ബിഗ് ബോസ് ഹൗസിലെത്തിയ താര്ഷാന് മറ്റുള്ളവര്ക്ക് മുന്പില് താനുമായി പ്രണയത്തിലാണെന്ന വിവരം മറച്ചുവച്ചുവെന്നും അത് തന്നെ അപമാനിക്കുന്നതിന് തുല്യമാണെന്നും സനം പറയുന്നു. ഫെയ്സ്ബുക്കില് ലൈവില് വന്ന സനം പൊട്ടിക്കരഞ്ഞാണ് പ്രതികരിച്ചത്.
തര്ഷാന് പിന്തുണയുമായി എപ്പോഴും ഞാന് കൂടെ ഉണ്ടായിരുന്നു. ഞാന് താര്ഷന്റെ വിജയത്തിലേക്കുള്ള വഴിയില് ഒരു തടസ്സമാണെന്ന് തിരിച്ചറിയുമ്പോള് അതെന്നെ വല്ലാതെ വേദനിപ്പിക്കുന്നു. ഷെറിന്റെയും തര്ഷാന്റെയും പ്രണയത്തെക്കുറിച്ച് ആളുകള് സംസാരിക്കുമ്പോള് അവരെല്ലാം ഉന്നം വയ്ക്കുന്നത് എന്നെയാണ്. ഞാന് ഇപ്പോള് ഒരു വില്ലനായി മാറി. ആളുകള് പറയുന്നത് ഞാന് അദ്ദേഹത്തിന്റെ ജീവിതത്തില് നിന്ന് മാറി നില്ക്കണമെന്നാണ്. അത് അങ്ങനെ തന്നെയാകട്ടെ. ഞാന് നിങ്ങളുടെ ജീവിതത്തില് നിന്ന് പോകുന്നു തര്ഷാന്. – സനം പറഞ്ഞു.
കന്നട നടിയായ സനം ഷെട്ടി മലയാള സിനിമയിലും വേഷമിട്ടിട്ടുണ്ട്. 2012 ല് പുറത്തിറങ്ങിയ സിനിമാ കമ്പനി എന്ന ചിത്രത്തില് ദീപിക എന്ന പഞ്ചാബി പെണ്കുട്ടിയുടെ കഥാപാത്രത്തെ സനം അവതരിപ്പിച്ചിരുന്നു.