സുഡാനി ഫ്രം നൈജീരിയ സിനിമയില് നിര്ണായക കഥാപാത്രം അവതരിപ്പിച്ച നൈജീരിയന് നടന് സാമുവല് റോബിന്സണെ മലയാളികല് മറന്നിട്ടുണ്ടാകില്ല. ചിത്രത്തില് നൈജീരിയക്കാരനായ ഫുട്ബോള് കളിക്കാരനായി തിളങ്ങിയ സാമുവല് കേരളത്തില് വലിയ ആരാധകരെയാണ് സൃഷ്ടിച്ചത്. അതിന് ശേഷം മലയാളത്തില് തന്നെ “ഒരു കരീബിയന് ഉഡായിപ്പ്” എന്ന ചിത്രത്തിലും സാമുവര് അഭിനയിച്ചിരുന്നു. ഇപ്പോഴിതാ ഒരിടവേളയ്ക്ക് ശേഷം വീണ്ടും ഇന്ത്യയിലെത്തിയിരിക്കുകയാണ് സാമുവല്.
ഇന്ത്യയില് തിരിച്ചെത്തിയതിന്റെ ആഹ്ലാദത്തിലാണ് സാമുവല്. ആ സന്തോഷം ഇരട്ടിയാക്കുന്നത് കാമുകിയെ കാണാനായി എന്നതുമാണ്. ഒഡിഷ സ്വദേശിയും അഭിഭാഷകയുമായ ഇഷാ പാട്രിക്ക് ആണ് സാമുവലിന്റെ കാമുകി. ഇരുവരുമൊന്നിച്ചുള്ള ചിത്രം സാമുവല് സോഷ്യല് മീഡിയയില് പങ്കുവെച്ചിട്ടുണ്ട്. തന്റെയും ഇഷയുടെയും ഒരു സുഹൃത്ത് വഴിയാണ് തങ്ങള് ആദ്യമായി കണ്ടുമുട്ടിയതെന്ന് സാമുവല് ഓര്ക്കുന്നു. പിന്നീട് സൗഹൃദം പ്രണയത്തിലേക്ക് നീങ്ങുകയായിരുന്നു.
കുറച്ചുനാള് മുന്പ് താന് വിഷാദത്തില് പെട്ടിരിക്കുകയാണെന്നും ഇന്ത്യയിലേക്ക് തിരിച്ചുവരണമെന്നും സാമ്പത്തിക സഹായം ആവശ്യമാണെന്നും പറഞ്ഞുകൊണ്ട് സാമുവല് രംഗത്തെത്തിയിരുന്നു. അതിനു ശേഷമുള്ള സാമുവലിന്റെ ഇന്ത്യാ സന്ദര്ശനമാണ് ഇത്.