പ്രേക്ഷകരെ അമ്പരപ്പിച്ചാണ് “സെയ്ഫ്” എത്തിയത്. റിലീസ് ചെയ്ത് രണ്ടാം വാരത്തിലും മികച്ച പ്രതികരണങ്ങളോടെ പ്രദര്ശനം തുടരുകയാണ് സെയ്ഫ്. സ്ത്രീ കഥാപാത്രങ്ങള്ക്ക് പ്രധാന്യം നല്കുന്ന ചിത്രമാണ് സെയ്ഫ്. അപര്ണ ഗോപിനാഥ്, അനുശ്രീ, സിജു വിത്സന് എന്നിവരാണ് കേന്ദ്ര കഥാപാത്രങ്ങളായി എത്തുന്നത്.
ഭാര്യ മരിച്ച ശ്രീധരന് മാഷിന്റെയും രണ്ട് പെണ്മക്കളുടെയും കഥ പറയുന്നതോടൊപ്പം അവരെ ചുറ്റിപ്പറ്റിയുള്ള സംഭവവികാസങ്ങളുമാണ് ചിത്രത്തെ മുന്നോട്ടു നയിക്കുന്നത്. മൂത്ത മകളായ ശ്വേതയെ കാണാതാവുകയും പത്തു വര്ഷത്തോളം അന്വേഷണം നടത്തിയെങ്കിലും മകളെ കണ്ടെത്താനായില്ല. ഇതേസമയം, രണ്ടാമത്തെ മകള് ശ്രേയ ഐപിഎസുകാരിയായി തീരുന്നു. ചേച്ചിയുടെ ദുരൂഹമായ അപ്രത്യക്ഷമാകല് അലട്ടിയിരുന്ന ശ്രേയ നടത്തുന്ന രഹസ്യ അന്വേഷണം ചിത്രത്തിന് ത്രില്ലര് മൂഡ് സമ്മാനിക്കുന്നു.
നവാഗതനായ പ്രദീപ് കാളിയപുരത്ത് ഒരുക്കിയ ചിത്രം എപിഫാനി എന്റര്ടൈന്മെന്റിന്റെ ബാനറില് ഷാജി പല്ലാരിമംഗലം, സര്ജു മാത്യു എന്നിവര് ചേര്ന്ന് നിര്മ്മാണം. അജി ജോണ്, ഹരീഷ് പേരടി, പ്രസാദ് കണ്ണന്, ശിവജി ഗുരുവായൂര്, ഷാജി പല്ലാരിമംഗലം, സര്ജു മാത്യു, കൃഷ്ണ, ഊര്മിള ഉണ്ണി, അഞ്ജലി നായര്, ലക്ഷ്മിപ്രിയ, ഷെറിന് ഷാജി, തന്വി കിഷോര്, ദിവ്യ പിള്ള, ഷിബില, സാവിയോ, ബിട്ടു തോമസ് തുടങ്ങി വന്താരനിര തന്നെ ചിത്രത്തിലുണ്ട്