റിലീസ് ചെയ്ത് ഒന്പത് ദിനങ്ങള് പിന്നിട്ടിട്ടും മികച്ച പ്രതികരണങ്ങളോടെ വിജയകരമായി പ്രദര്ശനം തുടരുകയാണ് “സെയ്ഫ്”. സ്ത്രീകള് വീടിനകത്തും പുറത്തും സെയ്ഫാണോ എന്ന ചോദ്യവുമായാണ് സെയ്ഫ് എത്തിയത്. മലയാളത്തിലെ മറ്റൊരു മികച്ച ത്രില്ലര് സിനിമ കൂടിയായിരിക്കുകയാണ് സെയ്ഫ്.
അപര്ണ ഗോപിനാഥ്, അനുശ്രീ, സിജു വിത്സന് എന്നിവരാണ് പ്രധാന കഥാപാത്രങ്ങളായെത്തുന്നത്. ഭാര്യ മരിച്ച ശ്രീധരന് മാഷിന്റെയും രണ്ട് പെണ്മക്കളുടെയും കഥ പറയുന്നതോടൊപ്പം അവരെ ചുറ്റിപ്പറ്റിയുള്ള സംഭവ വികാസങ്ങളുമാണ് ചിത്രത്തെ മുന്നോട്ടു നയിക്കുന്നത്. മൂത്തമകള് ശ്വേത കാണാതാവുകയും പിന്നീട് യാതൊരു വിവരവും ഇല്ലാതാവുന്നു. രണ്ടാമത്തെ മകള് ശ്രേയ ഐപിഎസുകാരിയായിത്തീരുന്നു. ചേച്ചിയുടെ ദുരൂഹമായ അപ്രത്യക്ഷമാകല് മനസില് തീച്ചൂളയായി അലട്ടിയിരുന്ന ശ്രേയ നടത്തുന്ന രഹസ്യ അന്വേഷണം ചിത്രത്തിന് ത്രില്ലര് മൂഡ് സമ്മാനിക്കുന്നു.
അജി ജോണ്, ഹരീഷ് പേരടി, പ്രസാദ് കണ്ണന്, ശിവജി ഗുരുവായൂര്, ഷാജി പല്ലാരിമംഗലം, സര്ജു മാത്യു, കൃഷ്ണ, ഊര്മിള ഉണ്ണി, അഞ്ജലി നായര്, ലക്ഷ്മിപ്രിയ, ഷെറിന് ഷാജി, തന്വി കിഷോര്, ദിവ്യ പിള്ള, ഷിബില, സാവിയോ, ബിട്ടു തോമസ് തുടങ്ങി വന്താരനിര തന്നെ ചിത്രത്തിലുണ്ട്. ഷാജി പല്ലാരിമംഗലം കഥയൊരുക്കി എപിഫാനി എന്റര്ടൈന്മെന്റിന്റെ ബാനറില് ഷാജി പല്ലാരിമംഗലം, സര്ജു മാത്യു എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്.