മമ്മൂട്ടി-പാര്വതി എന്നിവര് കേന്ദ്രകഥാപാത്രങ്ങളായെത്തി റത്തീന സംവിധാനം ചെയ്ത ചിത്രമാണ്’പുഴു’. ഇപ്പോഴിതാ ആദ്യ സംവിധാനത്തിലൂടെ തന്റെ സിനിമ പ്രവേശനം അടയാളപ്പെടുത്തിയ സംവിധായിക രണ്ടാം സംരംഭത്തിന് തുടക്കമിടുകയാണ്.
റിമ കല്ലിങ്കലിനെ പ്രാധാന വേഷത്തിലെത്തിച്ചുകൊണ്ട് വെബ് സീരീസാണ് റത്തീന ഒരുക്കുന്നത്. നൃത്തത്തെ അടിസ്ഥാനമാക്കിയുള്ള കഥയ്ക്ക് തിരക്കഥയൊരുക്കുന്നത് രശ്മി രാധാകൃഷ്ണനാണ്. ഡിസ്നി പ്ലസ് ഹോട്ട്സ്റ്റാറിലൂടെയാകും പരമ്പര സംപ്രേക്ഷണം ചെയ്യുക. റിമയുടെ രണ്ടാമത്തെ വെബ് സീരീസാണ് ഇത്. നെറ്റ്ഫ്ലിക്സില് സംപ്രേക്ഷണം ചെയ്യന്ന ‘സിന്ദഗി ഇന് ഷോര്ട്ട്’ എന്ന ഹിന്ദി വെബ് സീരീസായിരുന്നു ആദ്യത്തേത്.
‘നീലവെളിച്ച’മാണ് റിമയുടെ ഏറ്റവും പുതിയ ചിത്രം. 1964-ല് പുറത്തിറങ്ങിയ ‘ഭാര്ഗവി നിലയം’ എന്ന സിനിമയുടെ റീമേക്കാണ് നീലവെളിച്ചം. ആഷിഖ് അബു സംവിധാനം ചെയ്യുന്ന ചിത്രത്തില് ഭാര്ഗവിയായാണ് നടി എത്തുന്നത്.
വൈക്കം മുഹമ്മദ് ബഷീറിന്റെ ‘നീലവെളിച്ചം’ എന്ന കഥയുടെ ചലച്ചിത്രരൂപമായ ചിത്രം ഒ.പി.എം സിനിമാസിന്റെ ബാനറില് ആഷിഖ് അബു, റിമ കല്ലിങ്കല് എന്നിവരാണ് നിര്മ്മിക്കുന്നത്. ഋഷികേശ് ഭാസ്ക്കരനാണ് ചിത്രത്തിന്റെ അധികതിരക്കഥ എഴുതിയിരിക്കുന്നത്. സജിന് അലി പുലാട്ടില് അബ്ബാസ് പുതുപ്പറമ്പില് എന്നിവരാണ് സഹനിര്മാതാക്കള്.