വിധു വിന്സെന്റിന്റെ സംവിധാനത്തില് നിമിഷ സജയനും രജിഷ വിജയനും പ്രധാനവേഷങ്ങളിലെത്തുന്ന ചിത്രം സ്റ്റാന്ഡപ്പ് റിലീസിനൊരുങ്ങുകയാണ്. ഇപ്പോഴിതാ ചിത്രത്തിലെ കഥാപാത്രത്തെക്കുറിച്ച് മനസ്സുതുറന്നിരിക്കുകയാണ് നടി രജിഷ വിജയന്.
സ്റ്റാന്ഡ് അപ് എന്ന ചിത്രം ഫിസിക്കല് ആയല്ല മെന്റല് ആയി ഒരുപാട് പരിശ്രമം വേണ്ടി വന്ന ചിത്രം ആണെന്നാണ് ഈ നടി വിശദീകരിക്കുന്നത്. ഇതിലെ ദിയ എന്ന കഥാപാത്രം ഒട്ടേറെ മാനസികമായി വിഷമം അനുഭവിക്കുന്ന സാഹചര്യങ്ങളിലൂടെ കടന്നു പോകുന്നുണ്ട് എന്നും അത്കൊണ്ട് തന്നെ ഈ ചിത്രത്തിന്റെ ഷൂട്ട് നടക്കുമ്പോഴും അതിനു ശേഷവും താന് മാനസികമായി വളരെ അധികം ബുദ്ധിമുട്ടിയിരുന്നു എന്നും രജീഷ പറയുന്നു.
നിമിഷ സജയനാണ് ചിത്രത്തില് സ്റ്റാന്ഡ് അപ്പ് കൊമേഡിയനായി എത്തുന്നത്. രണ്ട് പെണ്കുട്ടികളുടെ കഥായാണ് പറയുന്നത്. അര്ജ്ജുന് അശോകന്, സീമ, സേതുലക്ഷ്മി,നായികാ നായകന് ഫെയിം വെങ്കിടേശ്, നിസ്താര് അഹമ്മദ്, സജിത മഠത്തില്, ജോളി ചിറയത്ത്, രാജേഷ് ശര്മ്മ, സുനില് സുഖദ, ഐവി ജുനൈസ്, ദിവ്യ ഗോപിനാഥ്, ധ്രുവ് ധ്രുവന് തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.