‘1921 പുഴ മുതല് പുഴ വരെ’ ചിത്രത്തിന്റെ റിലീസ് പ്രഖ്യാപിച്ച് സംവിധായകന് രാമസിംഹന് അബൂബക്കര്. മാര്ച്ച് 3ന് ചിത്രം തിയേറ്ററുകളില് എത്തും. കാന്താരയും മാളികപ്പുറവും ഏറ്റെടുത്തതു പോലെ പ്രേക്ഷകര് ഈ സിനിമയും ഏറ്റെടുക്കുമെന്ന് തനിക്ക് വിശ്വാസമുണ്ടെന്നും രാമസിംഹന് ഫെയ്സ്ബുക്കിലൂടെ വ്യക്തമാക്കി.
മമ്മധര്മ എന്ന ക്രൗഡ് ഫണ്ടിംഗ് വഴിയാണ് സംവിധായകന് ഈ ചിത്രം നിര്മ്മിച്ചത്. 2021 ഫെബ്രുവരി 20ന് വയനാട്ടില് ചിത്രത്തിന്റെ ഷൂട്ടിംഗ് ആരംഭിച്ചത്. ചിത്രത്തില് വാരിയംകുന്നത്ത് കുഞ്ഞഹമ്മദ് ഹാജിയുടെ വേഷത്തില് എത്തുന്നത് തലൈവാസല് വിജയ് ആണ്.
ജോയ് മാത്യുവും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. അതേസമയം സെന്സറിംഗ് പൂര്ത്തിയാക്കിയ ചിത്രത്തിന് എ സര്ട്ടിഫിക്കറ്റ് ആണ് ലഭിച്ചിരിക്കുന്നത്. ഏഴ് കട്ടുകള് സെന്സര് ബോര്ഡ് നിര്ദേശിച്ചിരുന്നതായും സംവിധായകന് അറിയിച്ചിരുന്നു.
1921ലെ മലബാറിന്റെ പശ്ചാത്തലത്തില് വാരിയംകുന്നത്ത് കുഞ്ഞഹമ്മദ് ഹാജിയുടെ ജീവിതം പറയുന്ന സിനിമ പൃഥ്വിരാജിനെ നായകനാക്കി ആഷിക് അബു പ്രഖ്യാപിച്ചതിനു പിന്നാലെയാണ് രാമസിംഹനും തന്റെ സിനിമ പ്രഖ്യാപിച്ചത്. എന്നാല് ആഷിഖ് അബുവും പൃഥ്വിരാജും ചിത്രം ഉപേക്ഷിക്കുകയായിരുന്നു.