നെൽസൺ ദിലീപ്കുമാർ സംവിധാനം ചെയ്യുന്ന ‘ജയിലർ ടു’വിൽ പ്രധാന കഥാപാത്രത്തെ അവതരിപ്പിക്കാൻ രജനികാന്ത് കോഴിക്കോട് എത്തും. ചെറുവണ്ണൂരിലാണ് ചിത്രീകരണം നടക്കുക.
ശനിയാഴ്ച ബിസി റോഡിലുള്ള സുദർശൻ ബംഗ്ലാവിൽ തുടങ്ങിയിരുന്നു. ചിത്രത്തിന്റെ കേരളത്തിലെ മുഖ്യ ലൊക്കേഷനാണ് ഇത്. ഇരുപത് ദിവസത്തെ ചിത്രീകരണമായിരിക്കും നടക്കുക എന്നാണ് അണിയറപ്രവർത്തകർ അറിയിച്ചിരിക്കുന്നത്. കനത്ത സുരക്ഷാസജ്ജീകരണങ്ങളോടെയാണ് ചിത്രീകരണം.
സൺ പിക്ചേഴ്സിന്റെ ബാനറിൽ കലാനിധി മാരൻ നിർമിച്ച് 2023-ൽ പുറത്തിറങ്ങിയ ചിത്രമാണ് ജയിലർ. ഇതിന്റെ രണ്ടാം ഭാഗമാണ് ഇനി വരാൻ പോകുന്നത്. സുരാജ് വെഞ്ഞാറമൂട്, കോട്ടയം നസീർ, സുനിൽ സുഖദ എന്നിവരും തമിഴ് നടീനടന്മാരും ശനിയാഴ്ച ചിത്രീകരണത്തിൽ പങ്കെടുത്തിരുന്നു.
