നീണ്ട 32 വര്ഷത്തെ ഇടവേളക്ക് ശേഷം ബോളിവുഡിലെയും കോളിവുഡിലെയും ഇതിഹാസങ്ങള് ഒന്നിക്കുന്നു. ജയ് ഭീം സംവിധായകന് ടി.ജെ ജ്ഞാനവേല് ഒരുക്കുന്ന ‘തലൈവര് 170’ എന്ന ചിത്രത്തിലാണ് രജനികാന്തും അമിതാഭ് ബച്ചനും ഒന്നിക്കുന്നത്.
സിനിമയുടെ ചിത്രീകരണം വരുന്ന സെപ്തംബറില് തുടങ്ങുമെന്നാണ് റിപ്പോര്ട്ട്. വില്ലന് വേഷത്തിലായിരിക്കും ബിഗ് ബി എത്തുക എന്നാണ് റിപ്പോര്ട്ടുകള്. 1991ല് പുറത്തിറങ്ങിയ മുകുള് എസ് ആനന്ദ് ചിത്രം ‘ഹം’ എന്ന സിനിമയിലാണ് രജനിയും ബച്ചനും അവസാനം ഒന്നിച്ച് അഭിനയിച്ചത്.
അമിതാഭ് ടൈഗര് എന്ന കഥാപാത്രത്തെ അവതിരിപ്പിച്ചപ്പോള് ഇന്സ്പെക്ടര് കുമാര് മല്ഹോത്ര എന്ന വേഷത്തിലാണ് രജനി എത്തിയത്. 1991ല് പുറത്തിറങ്ങിയ ചിത്രം ഹിറ്റായിരുന്നു. അതേസമയം ‘ജയിലറി’ന്റെ വിജയത്തിന് ശേഷം ഉത്തരേന്ത്യയില് യാത്രയിലാണ് രജനികാന്ത്.
500 കോടി കളക്ഷനിലേക്ക് കുതിക്കുകയാണ് ജയിലര് ഇപ്പോള്. ഏറ്റവും കൂടുതല് കളക്ഷന് ലഭിക്കുന്ന രജനികാന്തിന്റെ രണ്ടാമത്തെ ചിത്രമായി മാറിയിരിക്കുകയാണ് ജയിലര് ഇപ്പോള്. ടൈഗര് മത്തുവേല് പാണ്ഡ്യന് എന്ന കഥാപാത്രമായാണ് ചിത്രത്തില് രജനികാന്ത് വേഷമിട്ടത്.
അതേസമയം, നാഗ് അശ്വിന്റെ സംവിധാനത്തില് അടുത്ത വര്ഷം പുറത്തിറങ്ങാന് പോകുന്ന ‘കല്ക്കി 2898 എഡി’യില് കമല്ഹാസനൊപ്പവും ബച്ചന് അഭിനയിക്കുന്നുണ്ട്. പ്രഭാസ് നായകവേഷത്തിലെത്തുന്ന ചിത്രം ഒരു സയന്സ് ഫിക്ഷന് ഡ്രാമയാണ്.