രജനികാന്തിനെ നായകനാക്കി എ.ആര് മുരുഗദോസ് സംവിധാനം ചെയ്ത ദര്ബാര് ഇന്ന് തിയേറ്ററുകളിലെത്തി. ആദ്യ ഷോകള് പൂര്ത്തിയാകുമ്പോള് ചിത്രത്തിന് മികച്ച അഭിപ്രായങ്ങളാണ് സോ്ഷ്യല് മീഡിയയിലൂടെ വന്നു കൊണ്ടിരിക്കുന്നത്. ഒരു ഡീസന്റ് എന്റര്ടെയ്നറാണ് ചിത്രമെന്നാണ് പ്രേക്ഷകര് പറയുന്നത്. ചിത്രത്തിലെ ആക്ഷനും ബിജിഎമ്മും മറ്റും ഏറെ ത്രസിപ്പിക്കുന്നതാണെന്ന് ആരാധകര് അഭിപ്രായപ്പെടുന്നു. ചിത്രം വണ് മാന് ഷോ ആണെന്നാണ് നടന് ശിവകാർത്തികേയൻ അഭിപ്രായപ്പെട്ടിരിക്കുന്നത്.
സര്ക്കാറി”നു ശേഷം മുരുഗദോസ് സംവിധാനം ചെയ്യുന്ന് ചിത്രമാണ് “ദര്ബാര്”. ചിത്രത്തില് രജനികാന്ത് പൊലീസ് ഓഫീസറായാണ് വേഷമിടുന്നത്. നയന്താരയാണ് നായിക. സുനില് ഷെട്ടി, പ്രതിക് ബബ്ബാര്, യോഗി ബാബു, ജീവ, പ്രകാശ് രാജ്, നിവേത തോമസ്, ദലിപ് താഹില്, സൂരി, ഹരീഷ് ഉത്തമാന്, മനോബാല, സുമന്, ആനന്ദരാജ്, റാവു രമേശ്, ബോസ് വെങ്കട്ട് എന്നിവരും കഥാപാത്രങ്ങളായി എത്തുന്നു.
ലൈക പ്രൊഡക്ഷന്സ് ആണ് ചിത്രം നിര്മ്മിച്ചിരിക്കുന്നത്. രജനീകാന്തിന്റെ ബ്രഹ്മാണ്ഡ ചിത്രം “2.0”ന്റെ നിര്മ്മാതാക്കളും ലൈക പ്രൊഡക്ഷന്സ് ആയിരുന്നു. സന്തോഷ് ശിവനാണ് ഛായാഗ്രഹണം.