ഭീഷ്മപർവ്വം സഹ തിരക്കഥാകൃത്തായ ദേവദത്ത് ഷാജി തിരക്കഥയൊരുക്കുന്ന ഏറ്റവും പുതിയ ചിത്രത്തിൽ കന്നഡ സൂപ്പർ താരം രാജ് ബി ഷെട്ടി നായകനായെത്തുന്നു. ഗരുഡ ഗമന ഋഷഭ വാഹന, ടോബി, 777 ചാർലി എന്നീ ചിത്രത്തിലൂടെ മലയാളികൾക്ക് പ്രിയങ്കരനായ നടനും സംവിധായകനുമാണ് രാജ് ബി ഷെട്ടി. നവാഗതനായ എം യു അഭിലാഷ് ആണ് ചിത്രം സംവിധാനം ചെയ്യുന്നത്.
സിനിമയുടെ ചിത്രീകരണം ഈ വര്ഷം തന്നെ ആരംഭിക്കും. പ്രശസ്ത ഛായാഗ്രാഹകൻ ഗിരീഷ് ഗംഗാധരൻ ആണ് ചിത്രത്തിള് ഛായാഗ്രഹണം നിർവഹിക്കുന്നത്. ചിത്രത്തിന്റെ മറ്റ് വിവരങ്ങൾ വരും ദിവസങ്ങളിൽ പുറത്തുവരും എന്ന് വിശ്വസിക്കുന്നു.
വിപിൻ ദാസിന്റെയും സുധീഷ് ഗോപിനാഥിന്റെയും സഹസംവിധായകനായി എം യു അഭിലാഷ് പ്രവർത്തിച്ചിട്ടുണ്ട്. മലയാളത്തിൽ നിന്നും വമ്പൻ താരനിരയാണ് ചിത്രത്തിൽ അണിനിരക്കുന്നത് എന്നാണ് പുറത്തുവരുന്ന റിപ്പോർട്ടുകൾ.
ബി ഉണ്ണികൃഷ്ണൻ സംവിധാനം ചെയ്യുന്ന ഏറ്റവും പുതിയ ചിത്രത്തിന് തിരക്കഥയൊരുക്കുന്നതും ദേവദത്ത് ഷാജിയാണ്.
മമ്മൂട്ടി നായകനായെത്തുന്ന വൈശാഖ് ചിത്രം ‘ടർബോ’യിൽ വില്ലനായാണ് രാജ് ബി ഷെട്ടി എത്തുന്നത്.