പ്രഭാസും പൂജ ഹെഗ്ഡെയും താരജോടികളായി എത്തുന്ന ആസ്ട്രോ ത്രില്ലര് ചിത്രം രാധേശ്യാമിന്റെ ട്രെയ്ലര് പുറത്ത്. മുംബൈയില് നടന്ന ചടങ്ങിലാണ് കര്ട്ടന് റെയ്സര് വീഡിയോ അണിയറപ്രവര്ത്തകര് പുറത്തുവിട്ടത്. കാലവും പ്രണവും തമ്മില് പോരാട്ടം എന്ന ടാഗ് ലൈനോട് കൂടിയാണ് ട്രെയ്ലര് എത്തിയിരിക്കുന്നത്.
പ്രഭാസ്, പൂജ ഹെഗ്ഡെ, ചിത്രത്തിന്റെ സംവിധായകന് രാധാകൃഷ്ണകുമാര്, നിര്മ്മാതാക്കളായ ഭൂഷന് കുമാര്, വാംസി, പ്രമോദ് എന്നിവരും ചടങ്ങില് പങ്കെടുത്തു. മാര്ച്ച് 11ന് ആണ് ചിത്രം തിയേറ്ററുകളില് എത്തുന്നത്. 1970കളിലെ യൂറോപ്പ് പശ്ചാത്തലമാക്കി ഒരുക്കിയ പ്രണയ ചിത്രം നിരവധി സസ്പെന്സ് നിറഞ്ഞതാണ്.
ഇറ്റലി, ജോര്ജ്ജിയ, ഹൈദരാബാദ് എന്നിവടങ്ങളിലായി ചിത്രീകരിച്ച സിനിമയില് അത്യാധുനിക വിഷ്വല് ഇഫക്ടും മനോഹര ദൃശ്യങ്ങളും ഉള്പ്പെടുത്തിയിട്ടുണ്ട്. ഹസ്തരേഖ വിദഗ്ദ്ധനായ വിക്രമാദിത്യ എന്ന കഥാപാത്രമായി പ്രഭാസ് എത്തുമ്പോള് പ്രേരണ എന്ന കഥാപാത്രമായാണ് പൂജ ഹെഗ്ഡെ വേഷമിടുന്നത്.
ഇരുവരും തമ്മിലുള്ള കെമിസ്ട്രിയാണ് ചിത്രത്തിന്റെ ഹൈലൈറ്റ്. സച്ചിന് ഖേദേക്കര്, ഭാഗ്യശ്രീ, പ്രിയദര്ശി, മുരളി ശര്മ, സാശാ ചേത്രി, കുനാല് റോയ് കപൂര് എന്നിവരും പ്രധാന വേഷത്തിലെത്തുന്നു. രാധേശ്യാമിലെ മനോഹരമായ ഗാനങ്ങള് ചിട്ടപ്പെടുത്തിയിരിക്കുന്നത് ജസ്റ്റിന് പ്രഭാകറാണ്.
ഛായാഗ്രഹണം: മനോജ് പരമഹംസ, എഡിറ്റിംഗ്: കോട്ടഗിരി വെങ്കിടേശ്വര റാവു,ആക്ഷന്: നിക്ക് പവല്, ശബ്ദ രൂപകല്പ്പന: റസൂല് പൂക്കുട്ടി, നൃത്തം: വൈഭവി, കോസ്റ്റ്യൂം ഡിസൈനര്: തോട്ട വിജയഭാസ്കര്, ഇഖ ലഖാനി, എക്സിക്യൂട്ടീവ് പ്രൊഡ്യൂസര്: എന്. സന്ദീപ്.