പുതിയ ചിത്രം “രാച്ചിയമ്മ”ക്കായി കിടിലന് മേക്കോവറില് നടി പാര്വ്വതി. ചിത്രത്തിലെ താരത്തിന്റെ ലുക്കാണ് സോഷ്യല് മീഡിയയില് വൈറലാകുന്നത്. “മുന്നറിയിപ്പ്”, “കാര്ബണ്” എന്നീ ചിത്രങ്ങള്ക്കുശേഷം ഛായാഗ്രാഹകനും സംവിധായകനുമായ വേണു ഒരുക്കുന്ന പുതിയ ചിത്രമാണ് രാച്ചിയമ്മ.
പ്രശസ്ത സാഹിത്യകാരന് ഉറൂബിന്റെ രാച്ചിയമ്മ എന്ന ചെറുകഥയെ ആസ്പദമാക്കി ഒരുക്കുന്ന ചിത്രത്തില് പാര്വതിയും ആസിഫ് അലിയുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. സംവിധായകന് തന്നെയാണ് ചിത്രത്തിന്റെ തിരക്കഥ ഒരുക്കുന്നതും. ചിത്രത്തിന്റെ ഷൂട്ടിംഗ് പുരോഗമിച്ചു കൊണ്ടിരിക്കുകയാണ്.
https://www.instagram.com/p/B7FuHmHpmVU/?utm_source=ig_embed
വിവിധ സംവിധായകര് ചേര്ന്ന് ഒരുക്കുന്ന ആന്തോളജി വിഭാഗത്തിലുള്ള ചിത്രമാണിത്. ആഷിക് അബു, രാജീവ് രവി, ജയ്.കെ എന്നിവരാണ് മറ്റ് ചിത്രങ്ങള് സംവിധാനം ചെയ്യുന്നത്. പി.കെ പ്രൈമാണ് ചിത്രം നിര്മ്മിക്കുന്നത്. 1969ല് പുറത്തിറങ്ങിയ കഥയാണ് രാച്ചിയമ്മ.