തമിഴ്, തെലുങ്കു, കന്നഡ സിനിമകളിലൂടെ പ്രേക്ഷകര്ക്ക് സുപരിചിതയായ നടിയാണ് ധന്യ ബാലകൃഷ്ണ. സൂര്യ നായകനായി എത്തിയ ഏഴാം അറിവ് എന്ന ചിത്രത്തിലൂടെ അരങ്ങേറ്റം കുറിച്ച ധന്യ നീ താനേ എന് പൊന് വസന്തം, രാജ റാണി എന്നീ ചിത്രങ്ങളിലൂടെ ഏറെ ശ്രദ്ധിക്കപ്പെട്ടു. ഇതിനൊപ്പം തെലുങ്കിലും സജീവമായ ധന്യ മലയാളം, കന്നഡ ചിത്രങ്ങളിലും തന്റെ സാന്നിധ്യം അറിയിച്ചു. നിവിന് പോളി ചിത്രമായ ലവ് ആക്ഷന് ഡ്രാമയിലൂടെ ഈ വര്ഷം മലയാളത്തില് എത്തിയ ധന്യ റിലീസിനൊരുങ്ങുന്ന ചെമ്പന് വിനോദ് ചിത്രം പൂഴിക്കടകനില് നായികയായാണ് എത്തുന്നത്.
ജയസൂര്യയും ചെമ്പന് വിനോദും ഒന്നിക്കുന്ന “പൂഴിക്കടകന്” നവാഗതനായ ഗിരീഷ് നായര് ആണ് സംവിധാനം ചെയ്യുന്നത്. അലന്സിയര്, വിജയ് ബാബു, ബാലു വര്ഗീസ്, സുധി കോപ്പ, ബിജു സോപാനം, കോട്ടയം പ്രദീപ്, സെബി ജോര്ജ്, മാല പാര്വതി, ഐശ്വര്യ ഉണ്ണി തുടങ്ങിയവരാണ് മറ്റ് അഭിനേതാക്കള്. ഗിരീഷ് നായരും ഉണ്ണി മലയിലും ചേര്ന്നൊരുക്കിയ കഥയ്ക്ക് ഷ്യാല് സതീഷും ഹരി പ്രസാദ് കോളേരിയും ചേര്ന്ന് തിരക്കഥയും സംഭാഷണവും രചിച്ചിരിക്കുന്നു.
ഇവാബ് പ്രൊഡക്ഷന്സിന്റെ ബാനറില് സാം, നൗഫല് എന്നിവര് ചേര്ന്നാണ് “പൂഴിക്കടകന്” നിര്മ്മിക്കുന്നത്. റഫീഖ് അഹമ്മദ്, സന്തോഷ് വര്മ, മനു മന്ജിത് എന്നിവരുടെ വരികള്ക്ക് ബിജിബാല്, രഞ്ജിത് മേലേപ്പാട്ട് എന്നിവര് ഈണം നല്കിയിരിക്കുന്നു. ചിത്രം ഈ മാസം 29 ന് തിയേറ്ററുകളിലെത്തും.