അല്ലു അര്ജുനെ നായകനാക്കി സുകുമാര് ഒരുക്കിയ സൂപ്പര്ഹിറ്റ് ചിത്രം പുഷ്പയുടെ വിഎഫ്എക്സ് വിഡിയോ പുറത്തിറങ്ങി. മകുത വിഷ്വല് ഇഫക്ട്സ് കമ്പനിയാണ് ചിത്രത്തിന്റെ വിഎഫ്എക്സിനു പിന്നില് പ്രവര്ത്തിച്ചിരിക്കുന്നത്.
കേരളത്തിലും വലിയ വിജയമായ പുഷ്പ, ബോക്സോഫിസില് നിന്നും 342 കോടിയാണ് വാരിയത്. ഫഹദ് ഫാസിലിന്റെ വില്ലന് കഥാപാത്രവും നായികയായി എത്തിയ രശ്മിക മന്ദാനയുടെ പ്രകടനവും ഏറെ ശ്രദ്ധിക്കപ്പെട്ടു. സിനിമയുടെ രണ്ടാം ഭാഗം ചിത്രീകരണം ഈ വര്ഷം ആരംഭിക്കും.
ആര്യ, ആര്യ 2 എന്നീ മെഗാഹിറ്റുകള്ക്ക് ശേഷം അല്ലുവും സുകുമാറും ഒരുമിച്ച ചിത്രമാണ് പുഷ്പ. കള്ളക്കടത്തുകാരന് പുഷ്പരാജ് എന്ന കഥാപാത്രത്തെയാണ് അല്ലു അര്ജുന് സിനിമയില് അവതരിപ്പിച്ചന്നത്.
ഇതുവരെ കാണാത്ത ലുക്കിലും മാനറിസത്തിലുമാണ് അല്ലു അര്ജുന് പുഷ്പയില് എത്തുന്നത്. മൈത്രി മൂവി മേക്കേഴ്സിന്റെയും മുട്ടംസെട്ടി മീഡിയയുടെയും ബാനറില് നവീന് യെര്നേനിയും വൈ. രവിശങ്കറും ചേര്ന്നാണ് പുഷ്പ നിര്മ്മിച്ചിരിക്കുന്നത്.