മലയാളത്തിന്റെ എവര്ഗ്രീന് താരമാണ് മമ്മൂട്ടി എന്ന് വീണ്ടും തെളിയിക്കുന്ന ചിത്രങ്ങള് പങ്കുവെച്ച് പൃഥ്വിരാജ്. അച്ഛന് സുകുമാരനൊപ്പം ഇരിക്കുന്ന മമ്മൂട്ടിയുടെയും തനിക്കൊപ്പം ഇരിക്കുന്ന മമ്മൂട്ടിയുടെയും ചിത്രങ്ങളാണ് കൊളാഷ് ആക്കി പൃഥിരാജ് പങ്കുവെച്ചിരിക്കുന്നത്. ചിത്രങ്ങള്ക്ക് കമന്റുമായി സുപ്രിയ മേനോനും ദുല്ഖര് സല്മാനും എത്തി.
“”ഇത് പോലെ അല്ലിക്കൊപ്പം ഒരു ചിത്രം വേണം”” എന്നാണ് സുപ്രിയയുടെ കമന്റ്. “”മമ്മൂക്ക അന്നും ഇത് പോലെ തന്നെയിരിക്കും”” എന്ന് അവിടെ കമന്റ് ചെയ്ത ഒരു ആരാധകന്, “”അതിലെന്ത് സംശയം?”” എന്ന മറുപടിയും സുപ്രിയ നല്കി. “”തലമുറകള്ക്കതീതമായി അന്നും ഇന്നും മമ്മൂട്ടി… ഗോഡ് ബ്ലെസ്…”” എന്നാണ് മല്ലിക സുകുമാരന്റെ കമന്റ്.
നിലവില് ഭീഷ്മപര്വ്വം ചിത്രത്തിന്റെ ഷൂട്ടിംഗിലാണ് മമ്മൂട്ടി. അമല് നീരദ് സംവിധാനം ചെയ്യുന്ന ചിത്രത്തിന്റെ ഫസ്റ്റ്ലുക്ക് പോസ്റ്റര് വൈറലായിരുന്നു. കഴിഞ്ഞ തിങ്കളാഴ്ചയാണ് മമ്മൂട്ടി ചിത്രത്തിന്റെ ലൊക്കേഷനില് ജോയിന് ചെയ്തത്. ലോക്ക്ഡൗണിന് ശേഷം തുടങ്ങുന്ന ആദ്യ മമ്മൂട്ടി ചിത്രമാണ് ഭീഷ്മപര്വം.
ജനുവരിയില് വണ് ചിത്രത്തിന്റെ ക്ലൈമാക്സ് ചിത്രീകരണത്തിന് ഒരു ദിവസം മമ്മൂട്ടി ജോയിന് ചെയ്തിരുന്നു. അതേസമയം, ദ പ്രീസ്റ്റ്, വണ് എന്നീ ചിത്രങ്ങളാണ് താരത്തിന്റെതായി റിലീസിന് ഒരുങ്ങുന്നത്.