പുതിതായി വാങ്ങിയ റേഞ്ച് റോവറിന് ഫാന്സി നമ്പര് ഒഴിവാക്കി ആ പണം പ്രളയ ദുരിതാശ്വാസത്തിന് നല്കാനുള്ള പൃഥ്വിരാജിന്റെ തീരുമാനം ഏറെ പ്രശംസിക്കപ്പെട്ടിരുന്നു. എന്നാല് പൃഥ്വിരാജിന്റെ ഈ സഹായ നീക്കം നാടകമാണെന്നാണ് നടന് ഹരീഷ് പേരടി പറയുന്നത് ഫെയ്സ്ബുക്കില് പങ്കുവെച്ച കുറിപ്പിലാണ് ഹരീഷ് പേരടിയുടെ വിമര്ശനം.
“ഫാന്സി നമ്പറിന്റെ പണം മുഴുവന് സര്ക്കാറിനാണ് കിട്ടുന്നത്. ആ കാറിന്റെ പണം മുഴുവന് ഏതോ സ്വകാര്യ കമ്പനിക്കാണ്. ഏതാണ് ഒഴിവാക്കണ്ടേത്? രണ്ടും നടത്തിയെടുത്താലും ആര്ക്കും ഒരു കുഴപ്പവുമില്ല. നാടകം കണ്ടതുകൊണ്ട് അഭിപ്രായം പറഞ്ഞതാണ്. എന്തെങ്കിലും ഒന്ന് ഒഴിവാക്കിയിട്ട് മാത്രമെ എനിക്ക് ജനങ്ങളെ സേവിക്കാന് സാധിക്കുകയുള്ളു എന്ന അത്ര കടുത്ത ദാരിദ്യം മുണ്ടെങ്കില് ഒന്നും ചെയ്യാതിരിക്കുന്നതാണ് നല്ലത്. Happy New Year…” ഹരീഷ് പേരടി കുറിപ്പില് പറഞ്ഞു.
KL 07 CS 7777 എന്ന നമ്പറായിരുന്നു പൃഥ്വിരാജ് പുതിയ വാഹനത്തിനായി റിസര്വ് ചെയ്തിരുന്നത്. ഇതേ നമ്പറിനായി മറ്റു പലരും രംഗത്തുള്ളതിനാല് ലേലം വിളിക്കാനുള്ള ഒരുക്കത്തിലായിരുന്നു ആര്ടിഒ ഓഫീസ്. എന്നാല്, നമ്പര് റിസര്വേഷന് റദ്ദാക്കുകയാണെന്നും ആ തുക പ്രളയദുരിതാശ്വാസത്തിന് നല്കാനാണ് തീരുമാനമെന്നും പൃഥ്വി എറണാകുളം ആര്ടിഒയെ അറിയിക്കപകയായിരുന്നു.